తెలంగాణ యాస నేర్చుకున్నా!

‘దసరా’ చిత్రంలో కీలకమైన పాత్రను పోషించాను. యూనివర్సల్‌ కథాంశంతో అన్ని భాషల వారికి ఈ సినిమా కనెక్ట్‌ అవుతుంది’ అన్నారు కన్నడ నటుడు దీక్షిత్‌ శెట్టి. ‘దసరా’ చిత్రంలో ఆయన ఓ కీలక పాత్రను పోషించారు.

‘దసరా’ చిత్రంలో కీలకమైన పాత్రను పోషించాను. యూనివర్సల్‌ కథాంశంతో అన్ని భాషల వారికి ఈ సినిమా కనెక్ట్‌ అవుతుంది’ అన్నారు కన్నడ నటుడు దీక్షిత్‌ శెట్టి. ‘దసరా’ చిత్రంలో ఆయన ఓ కీలక పాత్రను పోషించారు. నాని కథానాయకుడిగా శ్రీకాంత్‌ ఓదెల దర్శకత్వంలో రూపొందిన ఈ చిత్రం ఈ నెల 30న పాన్‌ ఇండియా స్థాయిలో ప్రేక్షకుల ముందుకురానుంది. ఈ సందర్భంగా దీక్షిత్‌ శెట్టి మాట్లాడుతూ ‘ఈ సినిమాలో నేను నాని క్లోజ్‌ఫ్రెండ్‌ సూరి పాత్రలో కనిపిస్తా. ‘దసరా’ వంటి పాన్‌ ఇండియా సినిమాలో భాగం కావడం ఆనందంగా ఉంది. నేను ‘మీట్‌ క్యూట్‌’ వెబ్‌సిరీస్‌ చేశాను. అందులో నా నటన చూసి ‘దసరా’లో అవకాశమిచ్చారు. ఈ సినిమా కోసం తెలంగాణ యాస నేర్చుకున్నా. ఇక్కడి ఆచారవ్యవహారాలు, సంప్రదాయాల గురించి చాలా విషయాలు తెలుసుకున్నా. షూటింగ్‌ సమయంలో నానితో కలిసి పదినెలల పాటు ప్రయాణించాను. చక్కటి క్రమశిక్షణ వల్లే ఆయన గొప్ప స్టార్‌గా ఎదిగారు. నాని నుంచి చాలా స్ఫూర్తిపొందాను. కన్నడనాట కూడా ‘దసరా’ చిత్రంపై మంచి క్రేజ్‌ ఏర్పడింది. అక్కడ కూడా తప్పకుండా పెద్ద విజయం సాధిస్తుందన్న నమ్మకం ఉంది’ అన్నారు.