Ram pothineni | ఇస్మార్ట్ శంకర్, రెడ్ వంటి వరుస హిట్లతో జోరుమీదున్నాడు ఎనర్జిటిక్ స్టార్ రామ్ పోతినేని. ప్రస్తుతం ఈయన ‘ది వారియర్’ చిత్రంలో నటిస్తున్నాడు. తమిళ డైరెక్టర్ లింగుస్వామి దర్శకత్వంలో తెరకెక్కుతున్న ఈ చిత్రంలో రామ్కు జోడిగా కృతిశెట్టి హీరోయిన్గా నటిస్తుంది. ఆది పినిశెట్టి ప్రతినాయకుడి పాత్రలో నటిస్తున్నాడు. ఇప్పటికే విడుదలైన ప్రచార చిత్రాలు సినిమా పైన భారీ అంచనాలను క్రియేట్ చేస్తున్నాయి. తాజాగా ఈ చిత్రానికి సంబంధించిన ఓ వార్త సోషల్ మీడియాలో వైరల్ అవుతుంది.
ఈ చిత్రానికి డిజిటల్ శాటీలైట్ హక్కులు కలిపి దాదాపు 35 కోట్లకు డిస్నీ+హాట్స్టార్ సంస్థ కొనుగోలు చేసిందని సమాచారం. రామ్ కు ఉన్న క్రేజ్, మార్కెట్ పరంగా ఇంత బిజినెస్ చాలా ఎక్కువ మొత్తమేనని చెప్పాలి. లింగుస్వామి ఈ చిత్రాన్ని కర్నూలు బ్యాక్ డ్రాప్లో తెరకెక్కిస్తున్నాడని టాక్. తెలుగు, తమిళ భాషల్లో ఈ చిత్రం ఏకకాలంలో రూపుదిద్దుకుంటుంది. ఈ చిత్రంలో రామ్ పోలీస్ ఆఫిసర్ పాత్రలో నటిస్తున్నాడు. ఇస్మార్ట్ శంకర్ నుండి రామ్ యాక్షన్ కథలకే మొగ్గు చూపుతున్నాడు. ఈ చిత్రం అనంతరం రామ్, బోయపాటి శ్రీనుతో సినిమా చేయనున్నాడు.