The Goat Life | ఓటీటీ అనౌన్స్‌మెంట్ ఇచ్చిన పృథ్వీరాజ్ ‘ది గోట్ లైఫ్’

Aadu Jeevitham | స‌లార్ వంటి బ్లాక్ బ‌స్ట‌ర్ త‌ర్వాత మలయాళ న‌టుడు పృథ్వీరాజ్ సుకుమారన్ నటించిన తాజా చిత్రం “ది గోట్ లైఫ్” (ఆడు జీవితం). ఈ సినిమాకు అవార్డ్ విన్నింగ్ డైరెక్టర్ బ్లెస్సీ దర్శకత్వం వ‌హించ‌గా.. అమలాపాల్, కేఆర్ గోకుల్, జిమ్మీ జీన్ లూయిస్ త‌దిత‌రులు కీల‌క పాత్ర‌లు పోషించారు.

Aadu Jeevitham | స‌లార్ వంటి బ్లాక్ బ‌స్ట‌ర్ త‌ర్వాత మలయాళ న‌టుడు పృథ్వీరాజ్ సుకుమారన్ నటించిన తాజా చిత్రం “ది గోట్ లైఫ్” (ఆడు జీవితం). ఈ సినిమాకు అవార్డ్ విన్నింగ్ డైరెక్టర్ బ్లెస్సీ దర్శకత్వం వ‌హించ‌గా.. అమలాపాల్, కేఆర్ గోకుల్, జిమ్మీ జీన్ లూయిస్ త‌దిత‌రులు కీల‌క పాత్ర‌లు పోషించారు. ప్ర‌ముఖ ర‌చ‌యిత బెన్యామిన్ రాసిన గోట్ డేస్ నవల ఆధారంగా ఈ సినిమా రాగా.. సర్వైవల్ అడ్వెంచర్‌గా వ‌చ్చిన ఈ చిత్రం మార్చి 28న ప్రేక్ష‌కుల ముందుకు వ‌చ్చి మంచి విజ‌యాన్ని అందుకోవ‌డ‌మే కాకుండా వ‌ర‌ల్డ్ వైడ్‌గా రూ.150 కోట్ల‌కు పైగా వసూళ్లను రాబ‌ట్టింది. ఇప్పుడు ఈ చిత్రం ఓటీటీ ప్రేక్ష‌కుల‌ను అల‌రించేందుకు సిద్దమవుతుంది.

తాజాగా ఈ సినిమా ఓటీటీ అనౌన్స్‌మెంట్ వ‌చ్చింది కానీ డేట్ మాత్రం వెల్ల‌డించ‌లేదు. ప్ర‌ముఖ ఓటీటీ వేదిక‌ డిస్నీ ప్లస్ హాట్‌స్టార్‌లో త్వ‌ర‌లోనే ఈ సినిమా స్ట్రీమింగ్ కానున్న‌ట్లు చిత్ర‌యూనిట్ ప్ర‌క‌టించారు. ఈ సినిమా క‌థ విష‌యానికి వ‌స్తే.. 1990లో జీవనోపాధి కోసం కేరళను వదిలి విదేశాలకు వలస వెళ్లిన నజీబ్ అనే యువకుడు అక్క‌డ ఎలాంటి ప‌రిస్థితుల‌ను ఎదుర్కొన్నాడు అనేది సినిమా స్టోరీ. ఇక ఈ సినిమా పూర్తిగా ఎడారిలో తెరకెక్కిన తొలి భారతీయ సినిమాగా రికార్డు సాధించింది. ఏఆర్. రెహ‌మాన్ ఈ చిత్రానికి సంగీతం అందించాడు.