పది నిమిషాలు మిస్‌ కావొద్దు!

దళపతి విజయ్‌ కథానాయకుడిగా లోకేష్‌ కనకరాజ్‌ దర్శకత్వంలో తెరకెక్కిన ‘లియో’ చిత్రం ఈ నెల 19న ప్రేక్షకుల ముందుకురాబోతున్న విషయం తెలిసిందే. ‘భగవంత్‌ కేసరి’ ‘టైగర్‌ నాగేశ్వరరావు’ సినిమాలతో పాటు దసరా బరిలో నిలుస్తున్న ‘లియో’ చిత్రంపై తెలుగు ప్రేక్షకుల్లో కూడా భారీ అంచనాలేర్పడ్డాయి.

దళపతి విజయ్‌ కథానాయకుడిగా లోకేష్‌ కనకరాజ్‌ దర్శకత్వంలో తెరకెక్కిన ‘లియో’ చిత్రం ఈ నెల 19న ప్రేక్షకుల ముందుకురాబోతున్న విషయం తెలిసిందే. ‘భగవంత్‌ కేసరి’ ‘టైగర్‌ నాగేశ్వరరావు’ సినిమాలతో పాటు దసరా బరిలో నిలుస్తున్న ‘లియో’ చిత్రంపై తెలుగు ప్రేక్షకుల్లో కూడా భారీ అంచనాలేర్పడ్డాయి. గ్యాంగ్‌స్టర్‌ నేపథ్య కథాంశంతో రూపొందిన ఈ సినిమా గురించి ఇటీవల ఇచ్చిన ఇంటర్వ్యూలో ఆసక్తికరమైన విషయాలను వెల్లడించారు దర్శకుడు లోకేష్‌ కనకరాజ్‌.

మొదటి పది నిమిషాల సీన్‌ను ఎవరూ మిస్‌ కావొద్దని సూచించారు. ‘పది నిమిషాల పాటు వచ్చే ఆ ఎపిసోడ్‌ కోసం దాదాపు వెయ్యి మంది పనిచేశారు. అదేమిటో తెరపై చూస్తేనే బాగుంటుంది. హైనాతో హీరో విజయ్‌ చేసే ఫైట్‌ సినిమాలోనే హైలైట్‌గా ఉంటుంది. ఆ ఒక్క యాక్షన్‌ ఎపిసోడ్‌ కోసం 15కోట్లు ఖర్చు చేశాం’ అని చెప్పారు.