Thangalaan Movie | కోలీవుడ్ హీరో చియాన్ విక్రమ్ ప్రధాన పాత్రలో నటిస్తున్న తాజా చిత్రం తంగలాన్ (Thangalaan). ఈ సినిమాకు ‘కబాలి’, ‘కాలా’, ‘సర్పట్ట పరంపర’ చిత్రాల ఫేమ్ పా రంజిత్ (Pa Ranjith) దర్శకత్వం వహిస్తున్నాడు. ఈ సినిమా షూటింగ్ కంప్లీట్ చేసుకుని విడుదలకు సిద్ధంగా ఉంది. అయితే ఈ సినిమాను మొదట జనవరి 26 విడుదల చేసేందుకు మేకర్స్ ప్లాన్ చేసిన విషయం తెలిసిందే. అనుకోని కారణాల వలన వాయిదా పడింది. ఇక ఆ తర్వాత ఫిబ్రవరిలో విడుదల చేద్దామనుకున్నారు మేకర్స్. కానీ అప్పుడు కూడా ఈ సినిమాకు కలిసి రాలేదు. ఇక లోక్సభ ఎన్నికల తర్వాత ఈ సినిమాను విడుదల చేయనున్నట్లు పా.రంజిత్ వెల్లడించాడు.
అయితే నేడు విక్రమ్ బర్త్ డే. ఈ సందర్భంగా తంగలాన్ టీమ్ విక్రమ్కు పుట్టినరోజు శుభాకాంక్షలు తెలుపుతూ.. బర్త్ డే ట్రిబ్యూట్ పేరిట ఒక స్పెషల్ వీడియో విడుదల చేసింది. ఇక ఈ వీడియోలో విక్రమ్ తంగలాన్గా ఎలా రూపాంతరం చెందాడు అనేది చూడవచ్చు. మరోవైపు ఈ సినిమా విడుదల తేదీని త్వరలోనే ప్రకటించనున్నట్లు మేకర్స్ తెలిపారు.
కోలార్ గోల్డ్ ఫీల్డ్స్ (కేజీఎఫ్)లో జరిగిన వాస్తవ సంఘటనల ఆధారంగా వస్తోన్న ఈ చిత్రాన్ని స్టూడియో గ్రీన్, నీలమ్ ప్రొడక్షన్స్ బ్యానర్లపై కేఈ జ్ఞానవేళ్ రాజా తెరకెక్కిస్తున్నారు. ఈ మూవీకి జీవీ ప్రకాశ్ కుమార్ సంగీతం అందిస్తున్నాడు. ఈ చిత్రంలో మాళవికా మోహనన్, పార్వతి తిరువొతు ఫీ మేల్ లీడ్ రోల్స్ లో నటిస్తుండగా.. ‘సర్పట్ట పరంపర’ ఫేమ్ పశుపతి, డానియెల్ కల్టగిరోన్ కీ రోల్స్ పోషిస్తున్నారు.