Connect Movie | లేడీ సూపర్ స్టార్ నయనతార నటిస్తున్న లేటెస్ట్ చిత్రం ‘కనెక్ట్’. అశ్విన్ శరవణన్ దర్శకత్వం వహిస్తున్న ఈ చిత్రం డిసెంబర్ 22న రిలీజ్ కానుంది. ఇప్పటికే రిలీజైన టీజర్,ట్రైలర్లు సినిమాపై విపరీతమైన అంచనాలు నెలకొల్పాయి. ఇంటర్వెల్ బ్రేక్ లేకుండా రిలీజవుతున్న ఈ సినిమాకు తమిళనాట బిగ్ షాక్ తగిలింది. తమిళనాడులోని థియేటర్ల యాజమానులు ఈ సినిమాను రిలీజ్ చేసేందుకు ఆసక్తి చూపడం లేదట. ఇంటర్వెల్ టైమ్లో అమ్మే కూల్డ్రింగ్స్, పాప్ కార్న్, చిప్స్ వంటి వాటితో తమకు ఎంతో కొంత డబ్బు వస్తుందని, ఇప్పుడు అసలు బ్రేక్ లేకుండా సినిమా వేస్తే ఆ డబ్బు రాకుండా పోతుందని భావిస్తున్నారు.
దీనిపై థియేటర్ యజమానులు ఈ చిత్ర నిర్మాతలతో చర్చలు జరుపుతున్నారట. ఈ సినిమాను తెలుగులో యూవీ క్రియేషన్స్ రిలీజ్ చేస్తుంది. హర్రర్ థ్రిల్లర్ నేపథ్యంలో ఈ సినిమా తెరకెక్కింది. లాక్డౌన్ టైమ్లో ఓ అమ్మాయి చేసిన పనికి ఇంటిల్లిపాది ఎలాంటి సమస్యలో ఇరుక్కున్నారు. ఆ సమస్య నుండి తీరిపోయిందా? అనే కాన్సెప్ట్తో ఈ సినిమా తెరకెక్కింది. మయూరి, గేమ్ ఓవర్ వంటి హర్రర్ థ్రిల్లర్ సినిమాలకు దర్శకత్వం వహించిన అశ్విన్ ఈ సినిమాను తెరకెక్కించడంతో ప్రేక్షకులలో భారీ అంచనాలు నెలకొన్నాయి. సత్యరాజ్, అనుపమ్ ఖేర్, వినయ్ రాయ్ కీలకపాత్రలో నటిస్తున్న ఈ చిత్రానికి పృథ్వి చంద్రశేఖర్ సంగీతం అందిస్తున్నాడు.