బాలీవుడ్ నటుడు విజయ్వర్మతో తన ప్రేమాయణం గురించి అగ్ర కథానాయిక తమన్నా ఇటీవల స్పందించిన విషయం తెలిసిందే. విజయ్వర్మతో తాను ప్రేమలో ఉన్నానని పరోక్షంగా అంగీకరించింది తమన్నా. వీరిద్దరు కలిసి నటించిన తాజా వెబ్సిరీస్ ‘లస్ట్ స్టోరీస్-2’ ఈ నెల 29 నుంచి నెట్ఫ్లిక్స్లో స్ట్రీమింగ్ కానుంది. ఈ సందర్భంగా తమన్నా వ్యాఖ్యల గురించి విజయ్వర్మ ఓ ఇంటర్వ్యూలో బదులిచ్చారు.
‘ప్రస్తుతం నా కెరీర్ ఉన్నత దశలో ఉంది. వ్యక్తిగత జీవితాన్ని కూడా ఎంతగానో ఆస్వాదిస్తున్నాను. సరైన సమయంలో తమన్నాతో నా ప్రేమ వ్యవహారం గురించి స్పందిస్తా. అప్పటివరకు సినిమాల గురించే మాట్లాడుకుందాం’ అని చెప్పారు. ‘లస్ట్ స్టోరీస్’ తొలిభాగంలో కియారా అద్వాణీ, భూమి పెడ్నేకర్, రాధికా ఆప్టే, మనీషా కొయిరాలా నటించారు. రెండో భాగంలో విజయ్వర్మ, తమన్నా, మృణాల్ ఠాకూర్, కాజోల్ భాగమయ్యారు.