ఈ మధ్య హీరోలతో పోటీగా హీరోయిన్స్ కూడా అందాల మేడలు కడుతున్నారు. కుర్ర భామలు సైతం ముంబైలోని కాస్ట్లీ ఏరియాలలో ఖరీదైన బంగ్లాలు కట్టి ఆశ్చర్యపరుస్తున్నారు.తాజాగా బాలీవుడ్ స్వర భాస్కర్ గృహ ప్రవేశం చేయగా, అందరు ఆనందించాల్సింది పోయి ఆశ్చర్యపోతున్నారు.
పాత ఇంట్లోకి కొత్తగా గృహ ప్రవేశం చేయడమే వారి ఆశ్చర్యానికి కారణం. అసలు విషయం ఏంటంటే రెండున్నర సంవత్సరాల తరువాత గత నెలలో స్వరా తను పునర్నిర్మించిన( రినోవేటెడ్) పాత ఇంటిలోకి మారారు. కొత్త ఇంట్లోకి మారిన సందర్భంగా వినాయక పూజచేశారు. గృహ ప్రవేశ పూజలో పాల్గొన్న ఫోటోలను స్వరా తన సోషల్ మీడియా అకౌంట్లలో పోస్టు చేశారు. ‘దేవుళ్లు ఆమోదించారు’ అనే క్యాప్షన్తో షేర్ చేసిన ఈ ఫోటోలు నెట్టింటా హల్చల్ చేస్తున్నాయి.
సాధారణంగా స్వర భాస్కర్ నెటిజన్స్ మనోభావాలు దెబ్బ తీనేలా పోస్ట్లు ఎక్కువగా పెడుతుంటుంది. కాని ఆమె భక్తి భావనలో మునిగినట్టు ఫోటోలు పెట్టడం చూసి ప్రతి ఒక్కరు షాకవుతున్నారు. తాను షేర్ చేసిన ఫోటోలలో స్వరా చాలా సంతోషంగా ఉన్నట్టు కనిపించింది.