Suriya Jyothika | ఫిన్‌లాండ్‌ వెకేషన్‌లో జ్యోతిక – సూర్య దంపతులు.. మంచులో ఆటలు.. క్యూట్‌ వీడియో

Suriya Jyothika | కోలీవుడ్ క్యూట్ క‌పుల్స్‌ సూర్య‌ (Suriya)- జ్యోతిక (Jyothika) హాలిడేను ఎంజాయ్‌ చేస్తున్నారు. ఇటీవలే ఫిన్‌లాండ్‌ (Finland) వెకేషన్‌కు వెళ్లిన ఈ జంట అక్కడి మంచు వాతావరణాన్ని ఆస్వాదిస్తున్నారు.

January 30, 2024 / 11:31 AM IST

Suriya Jyothika | ఫిన్‌లాండ్‌ వెకేషన్‌లో జ్యోతిక – సూర్య దంపతులు.. మంచులో ఆటలు.. క్యూట్‌ వీడియో

Suriya Jyothika | కోలీవుడ్ క్యూట్ క‌పుల్స్‌లో సూర్య‌ (Suriya)- జ్యోతిక (Jyothika) జంట ఒక‌టి. రీల్ లైఫ్‌లో కలిసి నటించిన ఈ జంట.. ప్రేమ వివాహం చేసుకొని రియల్ లైఫ్ దంపతులు అయ్యారు. ఎంతో అన్యోన్యంగా ఉంటూ ప్రతి ఒక్కరికీ ఆద‌ర్శంగా నిలుస్తున్నారు. అయితే, గత కొన్ని రోజులుగా వీరు విడిపోతున్నారంటూ వార్తలు వస్తున్న విషయం తెలిసిందే. ఈ వార్తలను జ్యోతిక కొట్టిపారేశారు. తమ మధ్య ఎలాంటి గొడవలూ లేవని క్లారిటీ ఇచ్చారు. ఈ నేపథ్యంలో తాజాగా ఈ జంట హాలిడేను ఎంజాయ్‌ చేస్తోంది.

ఇటీవలే ఫిన్‌లాండ్‌ (Finland) వెకేషన్‌కు వెళ్లిన జ్యోతిక – సూర్య దంపతులు అక్కడి మంచు వాతావరణాన్ని ఆస్వాదిస్తున్నారు. ఎప్పుడూ షూటింగ్స్‌, ప్రొమోషన్స్‌, ఫ్యామిలీ, పిల్లలు అంటూ తీరిక లేకుండా ఉండే ఈ జంట.. తన బిజీ లైఫ్‌ను పక్కన పెట్టి విలువైన సమయాన్ని సరదాగా గడుపుతున్నారు. గట్టకట్టే చలిలో మంచుతో ఆటలు ఆడుతూ ఎంజాయ్‌ చేస్తున్నారు. అయితే, పిల్లలు దియా, దేవ్‌ లేకుండానే వారు వెకేషన్‌కు వెళ్లినట్లు తెలుస్తోంది. ఇందుకు సంబంధించిన క్యూట్‌ వీడియోని జ్యోతిక తన ఇన్‌స్టా వేదికగా అభిమానులతో షేర్‌ చేసుకుంది. ‘ప్రయాణంతో నిండిన ఏడాది 2024..’ అంటూ క్యాప్షన్‌ ఇచ్చింది. ఈ క్యూట్‌ వీడియో ప్రస్తుతం నెటిజన్లను విశేషంగా ఆకట్టుకుంటోంది.