Sri Ranga Neethulu | యూత్‌ ని ఆకట్టుకునేలా ‘శ్రీ‌రంగ‌నీతులు’ ఫ‌స్ట్ సింగిల్

Sriranganeethulu | యువ‌త‌రం భావోద్వేగాల‌తో, సినిమాలోని పాత్ర‌ల‌తో త‌మ‌ను తాము ఐడెంటిఫై చేసుకునే క‌థ‌ల‌తో, స‌హ‌జంగా సాగే మాట‌లు, మ‌న‌సుకు హ‌త్తుకునే స‌న్నివేశాల‌తో వ‌చ్చే సినిమాలు చాలా అరుదుగా వుంటాయి. స‌రిగ్గా అలాంటి సినిమానే శ్రీ‌రంగ‌నీతులు. టాలీవుడ్ యువ న‌టులు సుహాస్‌, కార్తీక్‌ర‌త్నం, రుహానిశ‌ర్మ‌, విరాజ్ అశ్విన్ ప్ర‌ధాన పాత్ర‌ల్లో న‌టిస్తున్న ఈ సినిమాకు ప్ర‌వీణ్‌కుమార్ వీఎస్ఎస్ ద‌ర్శ‌క‌త్వం వ‌హిస్తున్నాడు.

Sriranganeethulu | యువ‌త‌రం భావోద్వేగాల‌తో, సినిమాలోని పాత్ర‌ల‌తో త‌మ‌ను తాము ఐడెంటిఫై చేసుకునే క‌థ‌ల‌తో, స‌హ‌జంగా సాగే మాట‌లు, మ‌న‌సుకు హ‌త్తుకునే స‌న్నివేశాల‌తో వ‌చ్చే సినిమాలు చాలా అరుదుగా వుంటాయి. స‌రిగ్గా అలాంటి సినిమానే శ్రీ‌రంగ‌నీతులు. టాలీవుడ్ యువ న‌టులు సుహాస్‌, కార్తీక్‌ర‌త్నం, రుహానిశ‌ర్మ‌, విరాజ్ అశ్విన్ ప్ర‌ధాన పాత్ర‌ల్లో న‌టిస్తున్న ఈ సినిమాకు ప్ర‌వీణ్‌కుమార్ వీఎస్ఎస్ ద‌ర్శ‌క‌త్వం వ‌హిస్తున్నాడు. రాధావి ఎంట‌ర్‌టైన్‌మెంట్స్ ప‌తాకంపై వెంక‌టేశ్వ‌ర‌రావు బ‌ల్మూరి ఈ చిత్రాన్ని నిర్మిస్తున్నారు. చిత్రీక‌ర‌ణ పూర్తిచేసుకున్న ఈ చిత్రం విడుద‌లకు సిద్ధంగా ఉంది. ఇప్ప‌టికే ఈ సినిమా నుంచి ఫ‌స్ట్ లుక్‌తో పాటు టీజ‌ర్ విడుద‌ల చేయ‌గా.. మంచి స్పంద‌న ల‌భించింది.

ఇదిలావుంటే తాజాగా ఈ సినిమా నుంచి మేక‌ర్స్ ఫ‌స్ట్ సింగిల్ విన‌రా విన‌రా చెబుతా విన‌రా ఈ కాలం శ్రీరంగ నీతులు అనే సాంగ్‌ను విడుద‌ల చేశారు. ఇక ఈ సాంగ్ చూస్తే.. నేటి యువ‌త ఎదుర్కోనే ప‌రిస్థితుల ఆధారంగా సినిమా వ‌స్తున్న‌ట్లు తెలుస్తుంది. శ్రీ‌మ‌ణి సాహిత్యం అందించిన ఈ పాట‌కు అజ‌య్ అర‌సాడ సంగీతాన్ని అందించారు.

ఈ సినిమాపై ద‌ర్శ‌కుడు ప్ర‌వీణ్‌కుమార్ మాట్లాడుతూ.. ఈత‌రం యువ‌త వారి ఆలోచ‌న‌ల‌ను, వారి ఎమోష‌న్స్‌ను ఏ విధంగా వుంటున్నాయి అనేది ఈ చిత్రంలో వుండే పాత్రల ద్వారా చూపిస్తున్నాం. యూత్‌ఫుల్ ఎంట‌ర్‌టైన‌ర్‌గా రూపొందుతున్న చిత్రంలో సినిమాలో వుండే ఆస‌క్తిక‌ర‌మైన కథ‌, కథ‌నాల‌ను ప్రేక్ష‌కుల‌ను ఎంట‌ర్‌టైన్ చేస్తూనే మ‌న‌సుకు హ‌త్తుకుంటాయి. కొత్త‌ద‌నంతో పాటు పూర్తి క‌మ‌ర్షియ‌ల్ అంశాల‌తో రూపొందించిన చిత్ర‌మిది అన్నారు. నిర్మాత మాట్లాడుతూ నేటి యువ‌త ఆలోచ‌న‌లు, కుటుంబ బంధాలు..ఎంటర్‌టైన్‌మెంట్ ఇలా అన్ని అంశాల క‌ల‌యిక‌తో ద‌ర్శ‌కుడు చిత్రాన్ని అంద‌ర్ని అల‌రించే విధంగా తెర‌కెక్కించాడు. త‌ప్ప‌కుండా చిత్రం అంద‌రి ఆద‌ర‌ణ పొందుతుంద‌నే న‌మ్మ‌కం వుంది. త్వ‌ర‌లోనే విడుద‌ల తేదిని ప్ర‌క‌టిస్తాం అన్నారు. ఈ చిత్రానికి డీఓపీ: టీజో టామీ, సంగీతం: హ‌ర్షవ‌ర్థ‌న్ రామేశ్వ‌ర్‌, అజ‌య్ అర‌సాడ‌, ఎడిటింగ్‌: శ‌శాంక్ ఉప్ప‌టూరి.