Sonu Sood: మ‌రో ప్రాణాన్ని నిలబెట్టిన సోనూసూద్‌.. బిగ్ డే అంటూ ట్వీట్

ఆప‌ద ఎక్క‌డ ఉంటే అక్క‌డ ప్ర‌త్య‌క్షం అవుతున్నాడు సోనూసూద్. చేతికి ఎముక‌లేన‌ట్టు వ‌రుస సాయాలు చేసుకుంటూ వెళుతున్న సోనూసూద్ తాజాగా మ‌రో ప్రాణాన్ని నిల‌బెట్టారు. ఓ బాలుడికి కాలేయ మార్పిడి, గుండె శ‌స్త్ర చికిత్స చేయించారు. ఈ సంద‌ర్భంగా ఆయ‌న కుటుంబ స‌భ్యులు.. ధ‌న్య‌వాదాలు సోనూసూద్. మీ మ‌ద్ద‌తు వ‌ల‌న శుభ‌మ్ కాలేయ మార్పిడి, గుండె శస్త్రచికిత్స విజయవంతంగా పూర్తయింది. ఇప్పుడు శుభమ్ హైదరాబాద్ అపోలో ఆసుపత్రి నుండి డిశ్చార్జ్ అయ్యాడు. మీ సహాయానికి ధన్యవాదాలు!” అంటూ ట్వీట్ చేశారు.

దీనిపై స్పందించిన సోనూసూద్.. బిగ్ డే.. ఈ మ‌ధ్య కాలంలో చాలా క్లిష్ట‌మైన కాలేయ మార్పిడి, గుండె శస్త్రచికిత్స ఒకటి సూపర్ సక్సెస్. సర్వశక్తిమంతుడికి ధన్యవాదాలు” అంటూ ట్వీట్ చేశారు. క‌రోనా కాలం నుండి వ‌రుస సాయాలు చేసుకుంటూ వెళుతున్న సోనూసూద్ రియ‌ల్ హీరోగా, దేవుడిగా కీర్తించ‌బ‌డుతున్నాడు. ఎప్పటి కప్పుడు దేశంలో నెలకొంటున్న పరిస్థితులను గమనిస్తున్న సోనూ వెంట‌నే స‌హాయ‌క చ‌ర్య‌లు చేప‌డుతున్నారు. ఆయ‌న‌కి కొంద‌రు గుడులు క‌ట్టి పూజిస్తున్నారు.