చెప్పుల‌పై డిస్కౌంట్ కావాలంటే సోనూసూద్ పేరు చెప్పాలంట..!
సోనూసూద్.. ఇప్పుడు ఈ పేరు దేశ వ్యాప్తంగానే కాదు ప్ర‌పంచ వ్యాప్తంగాను మారు మ్రోగిపోతుంది.క‌రోనా క‌ష్ట‌కాలంలో ఎంతో మందికి తన వంతు సాయం చేసిన సోనూసూద్ ఇప్పుడు వీధి వ్యాపారుల‌కు అండా నిలుస్తున్నారు. ఆ మ‌ధ్య రైతుని ఎక్కించుకొని బండి న‌డిపిన సోనూసూద్.. హైద‌రాబాద్‌లో జ్యూస్ స్టాల్ ద‌గ్గ‌ర జ్యూస్ తీసి తాగాడు. ఇక ఇప్పుడు వీధి వ్యాపారి ద‌గ్గ‌ర చెప్పులు కొని అత‌ని ద‌గ్గ‌ర కొనుక్కోమ‌ని అభిమానుల‌కు కూడా చెప్పాడు.
సినిమా షూటింగ్‌ కోసం జమ్మూ-కశ్మీర్‌ వెళ్లిన సోనూసూద్… అక్కడి మార్కెట్లో తిరుగుతూ సందడి చేశాడు. షమీమ్‌ఖాన్ అనే వీధి వ్యాపారి చెంతకు వెళ్లి చెప్పులు కొన్నాడు. ఓ జ‌త చెప్పులు తీసుకున్న సోనూసూద్…వాటి ధ‌ర ఎంత అని వ్యాపారిని అడిగాడు. రేటు చెప్పాక కొంత డిస్కౌంట్ అడిగాడు. దానికి అత‌ను 20 శాతం ఇస్తాన‌ని పేర్కొన్నాడు.
ఆ తర్వాత ‘చెప్పులు కొనాలనుకుంటున్న వారు షమీమ్‌ షాపును సందర్శించండి. నా పేరు చెప్పి డిస్కౌంట్ కూడా పొందండి’ అంటూ ఓ వీడియోను తన వ్యక్తిగత ఇన్‌స్టాగ్రామ్‌ ఖాతాలో పోస్టు చేశారు సోనూసూద్. ఆ వీడియో ఇప్పుడు సోషల్ మీడియాలో వైరల్‌గా మారింది. చిన్న వ్యాపారుల‌కి స‌పోర్ట్‌గా సోనూసూద్ చేస్తున్న కార్య‌క్ర‌మాల‌పై నెటిజ‌న్స్ ప్ర‌శంస‌లు కురిపిస్తున్నారు.
సోనూసూద్ .. ఆచార్య చిత్రంలో ముఖ్య‌మైన పాత్ర‌ను పోషించిన విష‌యం తెలిసిందే. మ్యూజిక్ వీడియోతో సినీ ల‌వ‌ర్స్ ను ప‌లుక‌రించేందుకు రెడీ అయ్యాడు. పాట‌కు సంబంధించిన లుక్ విడుద‌ల చేయ‌గా, సోషల్ మీడియా ద్వారా మ్యూజిక్ వీడియో ఫ‌స్ట్ అఫీషియ‌ల్ పోస్ట‌ర్ ను విడుద‌ల చేశారు. సాంగ్ టీజ‌ర్ ఆగ‌స్టు 5న విడుద‌ల చేయ‌నున్న‌ట్టు తెలిపారు.
Read Today's Latest Cinema News in Telugu and Telugu News
- Follow Us :
-
