నవ్వులు పంచే బాలరాజు

సోహైల్‌ హీరోగా శ్రీ కోనేటి దర్శకత్వంలో రూపొందిస్తున్న చిత్రం ‘బూట్‌కట్‌ బాలరాజు’. ఎం.డి.పాషా నిర్మాత. ఫిబ్రవరి 2న ప్రేక్షకుల ముందుకురానుంది.

సోహైల్‌ హీరోగా శ్రీ కోనేటి దర్శకత్వంలో రూపొందిస్తున్న చిత్రం ‘బూట్‌కట్‌ బాలరాజు’. ఎం.డి.పాషా నిర్మాత. ఫిబ్రవరి 2న ప్రేక్షకుల ముందుకురానుంది. సోమవారం ప్రముఖ హాస్య నటుడు బ్రహ్మానందం ముఖ్యఅతిథిగా ప్రీరిలీజ్‌ వేడుకను నిర్వహించారు. ఈ సందర్భంగా మాట్లాడిన బ్రహ్మానందం..కష్టపడితే తప్పకుండా ఫలితం ఉంటుందని, సోహైల్‌ నటనలో చక్కటి పరిణితి కనబరుస్తున్నాడని ప్రశంసించారు.

సినిమా కథ చాలా కొత్తగా ఉందని మంచు మనోజ్‌ అన్నారు. దర్శకుడు మాట్లాడుతూ ‘వినోదంతో పాటు హృదయాన్ని కదిలించే భావోద్వేగాలున్న చిత్రమిది. సోహైల్‌ ఈ కథను తన భుజాలపై మోశాడు. భీమ్స్‌ సంగీతం ప్రధానాకర్షణగా నిలుస్తుంది’ అన్నారు. యూత్‌తో పాటు ఫ్యామిలీ ఆడియెన్స్‌ను ఆకట్టుకునే అన్ని అంశాలుంటాయని నిర్మాత ఎం.డి.పాషా తెలిపారు. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు.