Visit:
Sitara | సూపర్‌స్టార్ మహేశ్‌బాబు కుమార్తె సితార ఘట్టమనేని తన పేరుతో సోషల్ మీడియాలో చలామణి అవుతున్న నకిలీ ఖాతాలపై తీవ్రంగా స్పందించారు. తన అభిమానులు, శ్రేయోభిలాషులు, స్నేహితులు అప్రమత్తంగా ఉండాలని కోరుతూ ఆమె ఒక ప్రకటన విడుదల చేసింది. ఇన్‌స్టాగ్రామ్‌లో తప్ప ఇతర ఏ సోషల్ మీడియా ప్లాట్‌ఫామ్‌లలో కూడా అఫీషియల్‌ అకౌంట్‌ లేదని సితార స్పష్టం చేసింది. ఈ విషయంపై సితార తన అధికారిక ఇన్‌స్టాగ్రామ్ ఖాతాలో పోస్ట్ పెట్టింది.
View this post on Instagram
‘నా పేరు మీద అనేక నకిలీ, స్పామ్ ఖాతాలు క్రియేట్‌ చేస్తున్నట్లుగా నేను గమనించాను. నా స్నేహితులు, కుటుంబ సభ్యులు, శ్రేయోభిలాషులందరికీ చెప్పేది ఒక్కటే. నేను కేవలం ఇన్‌స్టాగ్రామ్‌లో మాత్రమే యాక్టివ్‌గా ఉంటాను. ఇది మాత్రమే నా అఫీషియల్‌ అకౌంట్‌. ఇతర సోషల్ మీడియా ప్లాట్‌ఫామ్స్‌లో నా పేరుతో ఉన్న అకౌంట్స్‌తో జాగ్రత్తగా ఉండండి’ అంటూ సితార సూచించింది. సితార ఇన్‌స్టాగ్రామ్‌లో చాలా చురుగ్గా ఉంటారు. ఆమె కుటుంబం, వ్యక్తిగత అప్‌డేట్స్, బ్రాండ్స్‌తో తన కొలాబరేషన్స్ గురించి తరచూ అప్‌డేట్‌లు పోస్ట్ చేస్తూ ఉంటారు. అంతేకాకుండా, సితార ‘సర్కారు వారి పాట’ చిత్రంలోని ‘పెన్నీ’ పాట ద్వారా వెండితెరకు పరిచయమైంది. ఆమె సోషల్ మీడియాలో యాక్టివ్‌గా ఉంటూ వస్తున్నది.
