Sirivennela | సిరివెన్నెల‌తో ప్రేక్ష‌కుల గుండెల్లో చోటు

Sirivennela | తొలి పాట‌కే ప్రేక్ష‌కుల మ‌న‌స్సులు దోచుకున్న చేబోలు .. కాదు కాదు సిరివెన్నెల‌ సీతారామ‌శాస్త్రి క‌న్నుమూశారు.

Sirivennela | సిరివెన్నెల సినిమాలో.. విధాత తలపున ప్రభవించినది… అంటూ సిరివెన్నెల సీతారామశాస్త్రి రాసిన పాటే ఆయ‌న‌కు తెలుగు సినీ ప్రేక్ష‌కుల‌, సంగీత ప్రేమికుల గుండెల్లో చోటు సంపాదించింది. ఎంతో భావ గ‌ర్భిత‌మైన ఈ గేయ ర‌చ‌న‌కు త‌న‌కు వారం రోజులు ప‌ట్టింద‌ని ఓ ఇంట‌ర్వ్యూలో సిరివెన్నెల స్వ‌యంగా చెప్పారు. ఆయ‌న జ‌న‌నీ జ‌న్మ‌భూమి సినిమాతో సినీ గేయ ర‌చయిత‌గా కెరీర్ ప్రారంభించారు.

ధ‌నం మూలం ఇదం జ‌గ‌త్‌.. అంటే ధ‌నం ఉంటే ఏదైనా చేయొచ్చు అనేది నానుడి. ఎంతో చిన్న చిన్న ప‌దాల‌తో ధన మాయను త‌న పాట‌లో పొదిగించ‌గ‌ల‌రో అంతే సులువుగా దైవ మాయని కూడా విడమరచి చెప్పగల ప్రజ్ఞాశాలి సిరివెన్నెల. సినీ వినీలాకాశంలో ఎన్ని తారలున్నా చల్లని జాబిలి వెలుగులు పంచుతూ తనకంటూ ఒక సుస్థిర స్థానాన్ని ఎప్పుడో ఏర్పరచుకున్న సిరివెన్నెల లలిత గీతాలు రాయడంలో కూడా ఉపద్రష్ఠులు. సామాన్య తెలుగు ప్రజానీకానీకి తెలిసిన, తెలియని సాహిత్య ప్రక్రియలన్నీ ప‌లుకరించి పండుగ చేసుకున్నారు సిరివెన్నెల.

సినీ వినీలాకాశంలో ఎన్ని తారలున్నా చల్లని జాబిలి వెలుగులు పంచుతూ తనకంటూ ఒక సుస్థిర స్థానాన్ని ఎప్పుడో ఏర్పరచుకున్న సిరివెన్నెల లలిత గీతాలు రాయడంలో కూడా ఉపద్రష్ఠులు. సామాన్య తెలుగు ప్రజానీకానీకి తెలిసిన, తెలియని సాహిత్య ప్రక్రియలన్నీ ప‌లుకరించి పండుగ చేసుకున్నారు సిరివెన్నెల.

ఆయ‌న అస‌లు పేరు చేబోలు సీతారామ‌శాస్త్రి. సిరివెన్నెల సినిమాకు రాసిన పాట‌ల‌తో ఆయ‌న‌కు ఆ సినిమా పేరే ఇంటి పేరైంది. న్యూమోనియాతో బాధ‌ప‌డుతూ ఇటీవ‌ల హైద‌రాబాద్‌లోని కిమ్స్ ద‌వాఖాన‌లో చేరిన సిరివెన్నెల‌ మంగ‌ళ‌వారం (2021 న‌వంబ‌ర్ 30) సాయంత్రం 4.07 గంట‌ల‌కు క‌న్నుమూశారు.