కుటుంబ ప్రేమకథా చిత్రాలను జనరంజకంగా రూపొందించడంలో టాలీవుడ్లో తనదైన ముద్ర వేశారు దర్శకుడు శివ నిర్వాణ. నిన్నుకోరి, మజిలీ చిత్రాలతో ప్రేక్షకుల అభినందనలతో పాటు విమర్శకుల ప్రశంసలు కూడా అందుకున్నారు శివ నిర్వాణ. తాజాగా ఆయన దర్శకత్వంలో తెరకెక్కిన చిత్రం ‘ఖుషి’. విజయ దేవరకొండ, సమంత జంటగా నటించిన ఈ చిత్రం సెప్టెంబరు 1న ప్రేక్షకుల ముందుకు రానుంది. ఈ సందర్భంగా దర్శకుడు శివనిర్వాణ మంగళవారం పాత్రికేయులతో ముచ్చటించారు.
పెళ్లికి ముందు పెళ్లి తరువాత సమస్యలతో గతంలో అనేక సినిమాలు వచ్చాయి. అయితే ఈ సినిమాలో టైటిల్కు తగినట్లుగా ఎంటర్టైన్మెంట్తో కథను చెప్పాలని అనుకున్నాను. ఈ చిత్ర కథాంశంలో ఒక యూనిక్ పాయింట్ ఉంది. నేటి సమాజంలో వున్న ఒక ఇష్యూను విజయ్, సమంత లాంటి పాపులర్ స్టార్స్ ద్వారా చెప్పిస్తే బాగుంటుందని నమ్మాను. నేను గతంలో తెరకెక్కించిన నిన్నుకోరి, మజిలీలో ఫెయిల్యూర్ లవ్స్టోరీస్ చూపించాను. కానీ ఈ సారి ఒక ఎంటర్టైనింగ్, ఎనర్జిటిక్, సరదాగా ఉండే ప్రేమకథను రూపొందించాలని అనుకున్నాను.
ఈ ప్రేమకథను ఎంత కొత్తగా చెప్పాలి అనే ఆలోచన నుంచి పుట్టిందే కశ్మీర్ బ్యాక్డ్రాప్. ఫస్టాఫ్లో లవ్స్టోరిని కాలేజీలో చూపించకుండా ఒక ఫీల్గుడ్ ప్లేస్, ప్లెజెంట్గా వుండే ప్లేస్ నుంచి మొదలుపెడితే బాగుంటుంది అనిపించింది. అందుకే కశ్మీర్ నేపథ్యాన్ని ఎంచుకున్నాను.
విజయ్లో మంచి కామెడీ టైమింగ్ ఉంటుంది. పెళ్లిచూపులు, గీతగోవిందంలో ఒకలాంటి కామెడీ టైమింగ్ చూశారు. కానీ ఇందులో ైస్టెలిష్ కామెడీ చేశాడు. అమ్మాయిలకు, ఫ్యామిలీ ఆడియన్స్కు విజయ్ పాత్ర బాగా నచ్చుతుంది. అందరూ ఆయన పాత్రను ఓన్ చేసుకుంటారు.
ఈ చిత్రంలో వింటేజ్ సమంతను చూస్తారు. ఆమె తన కెరీర్లో అన్ని తరహా పాత్రలను, జానర్ చిత్రాలను చేసింది. ఇప్పుడు మళ్లీ లవ్స్టోరిలో సమంతను చూడటం మంచి ఫీల్ కలిగిస్తుంది.
సమంత రియల్లైఫ్కు ఈ కథకు ఎలాంటి సంబంధం పోలిక లేదు. నేను మూడేళ్ల క్రితం రాసుకున్న కథ ఇది. ఆమెతో మజిలీ చిత్రం చేశాను కాబట్టి ఈ చిత్రంలో ఆరాధ్య పాత్రకు సరిపోతుందని, బాగా నటించగలదని తీసుకున్నాను. నేను రాసుకున్న కథలో పాత్రలో మాత్రమే ఆమె నటించింది.