Pathaan Movie | ఓటీటీ డేట్‌ లాక్‌ చేసుకున్న పఠాన్‌.. స్ట్రీమింగ్‌ ఎప్పుడంటే?

రిలీజ్‌ ముందు నుంచి ఈ సినిమాపై ఎక్కడ లేని బజ్‌ ఏర్పడింది. భారీ అంచనాల నడుమ విడుదలైన ఈ సినిమా అంతే భారీ స్థాయిలో ఓపెనింగ్స్‌ రాబట్టింది. తొలిరోజే అనుకుంటే వరుసగా ఆరు రోజులు వంద కోట్ల గ్రాస్‌కు దిగకుండా కలెక్షన్‌లు రాబడుతూ బాలీవుడ్‌ బాక్సాఫీస్‌కు ఊపిరిపోసింది. షారుఖ్‌ఖాన్‌ యాక్షన్‌, దీపికా అందాలు, జాన్‌ అబ్రహం విలనిజం ప్రేక్షకులను థియేటర్‌లకు రిపీటెడ్‌గా వచ్చేలా చేశాయి. బాహుబలి-2 పేరిట ఉన్న ఐదేళ్ల రికార్డును బద్దలు కొట్టి.. బాలీవుడ్‌లో అత్యధిక కలెక్షన్‌లు సాధించిన సినిమాగా సంచలనం సృష్టించింది. ఇలా చెప్పుకుంటూ పోతే పఠాన్‌ మూవీ ఎన్నో రికార్డులను క్రియేట్‌ చేసింది. ఇదిలా ఉంటే ఈ సినిమా డిజిటల్‌ రిలీజ్‌ కోసం ఓటీటీ ప్రియులు ఎంతగానో ఎదురు చూస్తున్నారు.

ఈ సినిమా హక్కులను ప్రముఖ ఓటీటీ అమెజాన్‌ సంస్థ భారీ ధరకు కొనుగోలు చేసింది. కాగా ఈ సినిమా మార్చి 25 నుంచి ఓటీటీలో స్ట్రీమింగ్‌ కానున్నట్లు అధికారిక ప్రకటన వచ్చింది. హిందీతో పాటు తెలుగు, తమిళ, కన్నడ, మలయాళ భాషల్లోనూ ఈ సినిమా అందుబాటులో ఉండనుంది. అవుట్‌ అండ్‌ అవుట్‌ యాక్షన్‌ ఎంటర్‌టైనర్‌గా తెరకెక్కిన ఈ సినిమాకు సిద్దార్థ్‌ ఆనంద్‌ దర్శకత్వం వహించాడు. షారుఖ్‌కు జోడీగా దీపికా పదుకొనే నటించింది. జాన్‌ అబ్రహం కీలకపాత్రలో నటించిన ఈ సినిమాను యష్‌ రాజ్‌ ఫిలింస్‌ బ్యానర్‌పై ఆదిత్య చోప్రా నిర్మించాడు.                                                                                                                                  

తాజాగా ఈ సినిమా మరో రికార్డును కూడా నెలకొల్పింది. దాదాపు 800 స్క్రీన్‌లలో 50రోజులు పూర్తి చేసుకుని కరోనా తర్వాత అత్యధిక సెంటర్‌లలో ఆ ఘనత సాధించిన సినిమాగా పఠాన్‌ నిలిచింది. దాదాపు రూ.250 కోట్లతో తెరకెక్కిన ఈ సినిమా రూ. 550 కోట్లకు పైగా షేర్‌ను సాధించి ఇండస్ట్రీ హిట్‌గా నిలిచింది. ప్రపంచ వ్యాప్తంగా రూ.1044.50 కోట్ల గ్రాస్ కలెక్ట్‌ చేసి వెయ్యి కోట్ల మార్కు టచ్‌ చేసిన రెండో హిందీ సినిమాగా సరికొత్త రికార్డు నెలకొల్పింది.