డీజే చిత్రంలోని సీటీమార్ అనే సాంగ్ సూపర్ హిట్ కావడంతో ఇప్పుడు ఇదే పాటను రాధే సినిమా కోసం దేవి శ్రీ ప్రసాద్తో రీమేక్ చేయించాడు సల్మాన్ ఖాన్. ఇటీవల ఈ వీడియో సాంగ్ను విడుదల చేస్తూ.. సల్లూ చేసిన ట్వీట్ హాట్ టాపిక్ గా మారింది. బన్నీ డ్యాన్స్ను ప్రశంసిస్తూనే తన పాటను ప్రమోట్ చేసుకున్నాడు. అయితే ఈ పాట షార్ట్ టైంలో వంద మిలియన్ వ్యూస్ రాబట్టడంతో దేవి శ్రీ ప్రసాద్ సంతోషం వ్యక్తం చేస్తూ స్మాల్ వీడియో ఒకటి విడుదల చేశాడు. ఈ వీడియో ఆకట్టుకుంటుంది.
బాలీవుడ్ బడా హీరో సల్మాన్ ఖాన్ నటించిన తాజా చిత్రం ‘రాధే: ద మోస్ట్ వాంటెడ్ భాయ్’. సౌతిండియన్ స్టార్ ప్రభుదేవా ఈ సినిమాను రూపొందించాడు. మేఘా ఆకాశ్, దిశాపటానీ హీరోయిన్లుగా నటిస్తున్నారు. రణ్ దీప్ హుడా, జాకీ ష్రాఫ్ కీలక పాత్రలు పోషించారు. యాక్షన్ ఎంటర్టైనర్గా రాబోతున్న ఈ చిత్రాన్ని సల్మాన్, అతుల్ అగ్నిహోత్రి, సోహైల్ ఖాన్ సంయుక్తంగా నిర్మించారు.ముంబైలోని డ్రగ్స్ మాఫియా బ్యాగ్డ్రాప్తో ఈ మూవీ రూపొందుతోంది. ఇటీవల విడుదలైన ట్రైలర్ ఆకట్టుకుంది.2017లో వచ్చిన కొరియన్ సినిమా ‘ద ఔట్ లాస్’ అనే సినిమాకు ‘రాధే’ రీమేక్గా వస్తోంది. ఈ మూవీ ఓటీటీ హక్కులను జీ సంస్థ భారీ ధరకు కొనుగోలు చేసింది. ఈ నేపథ్యంలో ఈ చిత్రాన్ని మే 13న విడుదల చేస్తున్నారు. అదే రోజు ఓటీటీలోనూ రిలీజ్ చేయబోతున్నారు.