అదొక అద్భుతం

సమంత మంచి నటి.. అద్భుతమైన అందగత్తె.. స్వతంత్య్రభావాలున్న వనిత.. సేవాదృక్పథంలో మేటి. వీటితోపాటు తనలో గొప్ప సమీక్షకురాలు కూడా ఉందని రీసెంట్‌గా పెట్టిన ఓ పోస్ట్‌ ద్వారా తేటతెల్లమైంది. ఇటీవలే ఆమె మమ్ముట్టి మలయాళంలో స్వీయనిర్మాణంలో నటించిన ‘కాదల్‌-ది కోర్‌' సినిమాను చూసింది.

సమంత మంచి నటి.. అద్భుతమైన అందగత్తె.. స్వతంత్య్రభావాలున్న వనిత.. సేవాదృక్పథంలో మేటి. వీటితోపాటు తనలో గొప్ప సమీక్షకురాలు కూడా ఉందని రీసెంట్‌గా పెట్టిన ఓ పోస్ట్‌ ద్వారా తేటతెల్లమైంది. ఇటీవలే ఆమె మమ్ముట్టి మలయాళంలో స్వీయనిర్మాణంలో నటించిన ‘కాదల్‌-ది కోర్‌’ సినిమాను చూసింది. స్వతహాగానే భావోద్వేగాలను ఆపుకోలేని వ్యక్తి కావడం చేత, ఆ సినిమా గురించి ఓ ఎమోషనల్‌ పోస్ట్‌ను తన ఇన్‌స్టాలో పోస్ట్‌ చేసింది సమంత. ‘ఈ ఏడాది ఉత్తమచిత్రం ‘కాదల్‌-ది కోర్‌’. ఈ సినిమా ఫీల్‌ నుంచి బయటకు రాలేకపోతున్నా. మనసంతా ప్రశాంతతతో నిండిపోయింది. మమ్ముట్టిసార్‌.. మీరే కళ్లముందు కదులుతున్నారు.

అందరూ ఈ సినిమా తప్పక చూడాలి. ‘కాదల్‌-ది కోర్‌’ ఓ అద్భుతం’ అని చివరిగా ‘జ్యోతికా..లవ్యూ’ అంటూ పోస్ట్‌ని ముగించింది. సమంత పెట్టిన ఈ పోస్ట్‌తో మమ్ముట్టి ‘కాథల్‌ -ది కోర్‌’ చిత్రానికి ఎక్కడలేని పబ్లిసిటీ వచ్చిందని అందరూ అనుకుంటున్నారు. ఇక ఈ సినిమా విషయానికొస్తే.. మమ్ముట్టి సొంత సంస్థను స్థాపించి వరుసపెట్టి సినిమాలు చేస్తున్నారు. ఇటీవల ‘కన్నూన్‌ స్కాడ్‌’తో అద్భుతమైన విజయాన్ని అందుకున్న ఆయన.. ‘కాదల్‌-ది కోర్‌’తో నెలల వ్యవథిలోనే మళ్లీ ప్రేక్షకుల ముందుకు వచ్చారు. విభిన్నమైన కథాంశంతో తెరకెక్కిన ఈ చిత్రంలో మమ్ముట్టి స్వలింగసంపర్కునిగా నటించారు.