Visit:
NTR Neel | టాలీవుడ్ అగ్ర క‌థానాయ‌కుడు యంగ్ టైగ‌ర్ ఎన్టీఆర్ ప్ర‌స్తుతం దేవ‌ర స‌క్సెస్‌ను ఎంజాయ్ చేస్తున్నాడు. కొర‌టాల శివ ద‌ర్శ‌క‌త్వంలో వ‌చ్చిన ఈ చిత్రం బాక్సాఫీస్ వ‌ద్ద సూప‌ర్ హిట్‌గా నిల‌వ‌డ‌మే కాకుండా వ‌ర‌ల్డ్ వైడ్‌గా రూ.460 కోట్ల వ‌సూళ్ల‌ను రాబ‌ట్టింది. అయితే ఈ సినిమా అనంత‌రం క‌న్న‌డ స్టార్ ద‌ర్శ‌కుడు కేజీఎఫ్‌, స‌లార్ చిత్రాల ఫేమ్ ప్రశాంత్ నీల్ (PrashanthNeel)తో తార‌క్ సినిమా చేయ‌బోతున్న విష‌యం తెలిసిందే. #NTRNeel గా రానున్న ఈ సినిమాకు డ్రాగ‌న్ అనే టైటిల్‌ను అనుకుంటున్నారు. ఇప్ప‌టికే పూజ కార్య‌క్ర‌మాలు పూర్తిచేసుకున్న ఈ చిత్రం అక్టోబ‌ర్ నుంచి షూటింగ్ ప్రారంభించ‌నుంది.
ఇదిలావుంటే తాజాగా ఈ మూవీకి సంబంధించి సాలిడ్ అప్‌డేట్ సోష‌ల్ మీడియాలో చ‌క్క‌ర్లు కొడుతుంది. ఈ మూవీలో ‘సప్త సాగరాలు దాటి’ చిత్రం హీరోయిన్ రుక్మిణి వ‌సంత్ (Rukmini Vasanth) క‌థానాయిక‌గా న‌టించ‌బోతున్న‌ట్లు వార్తలు వ‌స్తున్నాయి. అలాగే ఈ మూవీని ఒక‌టే పార్ట్‌లో ఫినిష్ చేయ‌నున్న‌ట్లు తెలుస్తుంది. మ‌రోవైపు తార‌క్ జ‌న‌వ‌రి నుంచి ఈ మూవీ షూటింగ్‌లో పాల్గోన‌బోతున్న‌ట్లు స‌మాచారం. కాగా దీనిపై అధికారిక ప్ర‌క‌ట‌న రావాల్సి ఉంది. ఇక ఈ సినిమాను సంక్రాంతి కానుక‌గా జ‌న‌వ‌రి 09 2026లో విడుద‌ల చేయ‌నున్న‌ట్లు మేక‌ర్స్ ప్ర‌క‌టించారు.
#NTRNeel Film Will be a Standalone Film🔥 pic.twitter.com/8PQvfkAHmn
— Let’s X OTT GLOBAL (@LetsXOtt) October 8, 2024
