Ram Charan | మెగా అభిమానులకు గుడ్‌ న్యూస్‌.. RC15 నుండి బిగ్‌ అప్‌డేట్‌..!

మెగా వారసత్వాన్ని పర్‌ఫెక్ట్‌గా క్యారీ చేస్తున్నాడు రామ్‌చరణ్‌. ఆన్‌ స్క్రీన్‌ అయిన, ఆఫ్‌ స్క్రీన్‌ అయిన వినయంలో తండ్రికి తగ్గ తనయుడిగా గుర్తింపు తెచ్చుకున్నాడు. ప్రస్తుతం ఆయన లెజెండరీ దర్శకుడు శంకర్‌తో ‘RC15’ చేస్తున్నాడు.

RC15 Movie | మెగా వారసత్వాన్ని పర్‌ఫెక్ట్‌గా క్యారీ చేస్తున్నాడు రామ్‌చరణ్‌. ఆన్‌ స్క్రీన్‌ అయిన, ఆఫ్‌ స్క్రీన్‌ అయిన వినయంలో తండ్రికి తగ్గ తనయుడిగా గుర్తింపు తెచ్చుకున్నాడు. ప్రస్తుతం ఆయన లెజెండరీ దర్శకుడు శంకర్‌తో ‘RC15’ చేస్తున్నాడు. ప్రస్తుతం ఈ సినిమా షూటింగ్‌ శరవేగంగా జరుపుకుంటుంది. కాగా షూటింగ్‌ ప్రారంభై నెలలు గడుస్తున్నా ఇప్పటి వరకు ఈ సినిమాకు సంబంధించిన ఒక్క అప్‌డేట్‌ కూడా బయటకు రాలేదు. దాంతో మెగా అభిమానులు చిత్రబృందంపై తీవ్ర అసహనాన్ని వ్యక్తం చేస్తున్నారు. ఈ నేపథ్యంలో తాజాగా ఈ సినిమాకు సంబంధించిన ఓ వార్త నెట్టింట తెగ వైరల్‌ అవుతుంది.

సంక్రాంతి పర్వదినాన రామ్‌చరణ్‌ ఫస్ట్‌లుక్‌ను రిలీజ్‌ చేస్తున్నట్లు తెలుస్తుంది. అంతేకాకుండా ఓ స్పెషల్‌ గ్లింప్స్‌ను కూడా చిత్రబృందం ప్లాన్‌ చేస్తుందట. త్వరలోనే మేకర్స్ దీనిపై అధికారిక ప్రకటన ఇవ్వనున్నట్లు సమాచారం. రామ్‌చరణ్‌ ద్విపాత్రాభినయం చేస్తున్న ఈ సినిమాకు సర్కారోడు అనే టైటిల్‌ను పరిశీలనలో ఉంచారు. రామ్‌చరణ్‌కు జోడీగా కియారా అద్వానీ, అంజలి నటిస్తున్నారు. నటుడు సునీల్‌, దర్శకుడు ఎస్‌.జే సూర్య కీలకపాత్రలో నటిస్తున్నారు. పోలిటికల్‌ యాక్షన్‌ థ్రిల్లర్‌ నేపథ్యంలో తెరకెక్కుతున్న ఈ సినిమాను శ్రీవెంకటేశ్వరా క్రియేషన్స్ పతాకంపై దిల్‌రాజు అత్యంత భారీ బడ్జెట్‌తో నిర్మిస్తున్నాడు.