Visit:
Rashmika | నేషనల్ క్రష్ రష్మిక మందన్నా తన కుటుంబానికి ఎంత ప్రాధాన్యత ఇస్తుందో మరోసారి నిరూపించింది. సినీ కెరీర్లో ఎంత బిజీగా ఉన్నప్పటికీ, కుటుంబ సభ్యులతో అనుబంధాన్ని ఎప్పుడూ మరిచిపోని రష్మిక, తాజాగా తన చెల్లెలు సిమ్రాన్ మందన్నా పుట్టినరోజు సందర్భంగా షేర్ చేసిన పోస్ట్తో అందరి హృదయాలను గెలుచుకుంది. సిమ్రాన్ 13వ పుట్టినరోజు సందర్భంగా సోషల్ మీడియాలో రష్మిక క్యూట్ సందేశాన్ని పంచుకుంది. నువ్వు ఇప్పుడు టీనేజ్లోకి అడుగుపెడుతున్నావు. జీవితంలో ఎన్నో విషయాలు నేర్చుకుంటావు. కానీ నీలోని అమాయకత్వాన్ని, చిరునవ్వును ఎప్పటికీ కోల్పోవద్దు అంటూ అక్కగా విలువైన సలహా ఇచ్చింది. ఈ మాటల్లో అక్కాచెల్లెళ్ల మధ్య ఉన్న గాఢమైన అనుబంధం స్పష్టంగా కనిపిస్తోంది.
ఈ పోస్టుతో పాటు రష్మిక తన చెల్లెలుతో గడిపిన కొన్ని అరుదైన ఫోటోలను కూడా షేర్ చేసింది. చిన్నప్పటి జ్ఞాపకాల నుంచి ఇప్పటి వరకూ ఉన్న క్షణాలను అభిమానులతో పంచుకుంది. షూటింగ్లతో బిజీగా ఉండటం వల్ల ఈ ప్రత్యేక రోజున చెల్లెలి దగ్గర ఉండలేకపోయానని కొంత భావోద్వేగానికి గురైన రష్మిక, త్వరలోనే ఇంటికి వెళ్లి కుటుంబంతో సమయం గడుపుతానని తెలిపింది.
సిమ్రాన్ .. చిన్నారి నుంచి బాధ్యతాయుతమైన టీనేజర్గా ఎదుగుతున్న తీరు తనకు ఎంతో ఆనందాన్ని ఇస్తోందని రష్మిక పేర్కొంది. నువ్వు ఏం చేసినా నేను నీకు అండగా ఉంటాను. నీ కలలను నువ్వు నెరవేర్చాలి అంటూ చెల్లెలికి ప్రోత్సాహం అందించింది.
రష్మిక షేర్ చేసిన ఈ పోస్ట్ నిమిషాల్లోనే సోషల్ మీడియాలో వైరల్గా మారింది. ఆమె అభిమానులు కూడా సిమ్రాన్కు పెద్ద ఎత్తున పుట్టినరోజు శుభాకాంక్షలు తెలుపుతున్నారు. కుటుంబ బంధాలను ఎంతో ప్రేమగా కాపాడుకుంటూ, ప్రతి చిన్న సందర్భాన్ని ప్రత్యేకంగా మార్చే వ్యక్తిగా రష్మిక మరోసారి ప్రశంసలు అందుకుంటోంది.
