రషా తడానీ టాలీవుడ్‌ ఎంట్రీ

హిందీ చిత్రం ‘ఆజాద్‌'లో ‘ఉయ్‌ అమ్మ’ అనే పాటతో బాగా పాపులర్‌ అయింది రషా తడానీ. బాలీవుడ్‌ సీనియర్‌ నటి రవీనా టాండన్‌ కుమార్తె అయిన ఈ ముద్దుగుమ్మ ప్రస్తుతం హిందీతో పాటు దక్షిణాదిలో కూడా అదృష్టాన్ని పరీక్షించుకునేందుకు సిద్ధమవుతున్నది.

హిందీ చిత్రం ‘ఆజాద్‌’లో ‘ఉయ్‌ అమ్మ’ అనే పాటతో బాగా పాపులర్‌ అయింది రషా తడానీ. బాలీవుడ్‌ సీనియర్‌ నటి రవీనా టాండన్‌ కుమార్తె అయిన ఈ ముద్దుగుమ్మ ప్రస్తుతం హిందీతో పాటు దక్షిణాదిలో కూడా అదృష్టాన్ని పరీక్షించుకునేందుకు సిద్ధమవుతున్నది. ‘శ్రీనివాస మంగాపురం’ చిత్రంతో ఈ సొగసరి తెలుగులో అరంగేట్రం చేస్తున్నది. సూపర్‌స్టార్‌ కృష్ణ మనవడు జయకృష్ణ ఘట్టమనేని కథానాయకుడిగా పరిచయమవుతున్న ఈ చిత్రానికి అజయ్‌ భూపతి దర్శకత్వం వహిస్తున్నారు. అశ్వినీదత్‌ సమర్పిస్తున్న ఈ చిత్రానికి పి.కిరణ్‌ నిర్మాత. శుక్రవారం ఈ సినిమా నుంచి రషా తడానీ ఫస్ట్‌లుక్‌ని విడుదల చేశారు. ఇందులో ఆమె సంప్రదాయ దుస్తుల్లో ఆకర్షణీయంగా కనిపిస్తున్నది. ఇటీవలే ఈ సినిమా రెండో షెడ్యూల్‌ని మొదలుపెట్టామని, చక్కటి కుటుంబ కథగా మెప్పిస్తుందని మేకర్స్‌ తెలిపారు. ఈ చిత్రానికి కెమెరా: జయకృష్ణ, సంగీతం: జీవీ ప్రకాష్‌ కుమార్‌, రచన-దర్శకత్వం: అజయ్‌ భూపతి.