Raser | ‘రేజర్’తో రవిబాబు రీ-ఎంట్రీ.. చిత్రాన్ని ఎప్పుడు విడుద‌ల చేయ‌నున్నారంటే..!

Raser | తెలుగు సినీ దర్శకుడు, నటుడు రవిబాబు మరో విభిన్నమైన చిత్రంతో ప్రేక్షకుల ముందుకు రావడానికి సిద్ధమవుతున్నారు. ఆయన తాజా చిత్రం ‘రేజర్’ మే 8, 2026న ప్రపంచవ్యాప్తంగా థియేటర్లలో విడుదల కానుంది. ఈ తేదీకి ప్రత్యేకత ఏమిటంటే, అదే రోజు ఆయన తండ్రి, దివంగత నటుడు చలపతి రావు జయంతి కావడం.

Raser | తెలుగు సినీ దర్శకుడు, నటుడు రవిబాబు మరో విభిన్నమైన చిత్రంతో ప్రేక్షకుల ముందుకు రావడానికి సిద్ధమవుతున్నారు. ఆయన తాజా చిత్రం ‘రేజర్’ మే 8, 2026న ప్రపంచవ్యాప్తంగా థియేటర్లలో విడుదల కానుంది. ఈ తేదీకి ప్రత్యేకత ఏమిటంటే, అదే రోజు ఆయన తండ్రి, దివంగత నటుడు చలపతి రావు జయంతి కావడం. ఇప్పటివరకు ప్రయోగాత్మక కథలతో ప్రత్యేక గుర్తింపు పొందిన రవిబాబు, ఈసారి పూర్తిగా డార్క్, ఇంటెన్స్ థ్రిల్లర్‌తో ప్రేక్షకులను ఆకట్టుకునే ప్రయత్నం చేస్తున్నారు. ఈ సినిమాలో ఆయన దర్శకుడిగానే కాకుండా హీరోగానూ నటిస్తున్నారు. విడుదలైన పోస్టర్లను చూస్తే, ఆయన పాత్ర చాలా రఫ్‌గా, భిన్నంగా ఉండబోతుందనే విషయం స్పష్టమవుతోంది.

‘రేజర్’ టైటిల్ ప్రకటించినప్పటి నుంచే సోషల్ మీడియాలో మంచి హైప్ నెలకొంది. తాజాగా విడుదల చేసిన పోస్టర్లు సినిమాపై ఆసక్తిని మరింత పెంచాయి. అర్బన్, ఇండస్ట్రియల్ బ్యాక్‌డ్రాప్‌లో రవిబాబు సీరియస్ లుక్‌లో కనిపించడం, కథలో థ్రిల్లింగ్ అంశాలు బలంగా ఉంటాయని సూచిస్తోంది. ఒక పోస్టర్‌లో చిన్నారి చేతిని పట్టుకుని నడుస్తున్న సన్నివేశం భావోద్వేగ కోణాన్ని కూడా చూపిస్తోంది.ఈ చిత్రాన్ని ప్రముఖ నిర్మాత సురేష్ బాబు సమర్పిస్తున్నారు. ఫ్లయింగ్ ఫ్రాగ్స్ బ్యానర్‌పై సినిమా రూపొందుతోంది. సాంకేతికంగా కూడా సినిమా ఉన్నత ప్రమాణాలతో తెరకెక్కిందని చిత్ర బృందం చెబుతోంది.

ఈ సినిమా షూటింగ్ ఫిబ్రవరిలోనే పూర్తయ్యింది. డబ్బింగ్ పనులు కూడా ముగిశాయి. ప్రస్తుతం పోస్ట్ ప్రొడక్షన్ చివరి దశలో ఉంది. మే 8న విడుదలకు అన్ని ఏర్పాట్లు జరుగుతున్నాయి.ఈ చిత్రానికి కథ, దర్శకత్వం రవిబాబే వహించారు. సినిమాటోగ్రఫీని చరణ్ మాధవనేని అందించగా, సంగీతాన్ని ఎస్‌ఎస్ రాజేష్ సమకూర్చారు. యాక్షన్ సన్నివేశాలను సతీష్ పోలోజు రూపొందించారు. ‘రేజర్’ ఒక స్ట్రాంగ్‌ థ్రిల్లర్‌గా, రవిబాబు కెరీర్‌లో మరో విభిన్నమైన సినిమాగా నిలిచే అవకాశాలు కనిపిస్తున్నాయి. డార్క్ టోన్, ఇంటెన్స్ స్టోరీతో ప్రేక్షకులకు కొత్త అనుభూతిని అందించేందుకు ఈ సినిమా సిద్ధమవుతోంది.