Ranabaali | మిక్స్‌డ్ టాక్‌ను తట్టుకుని నిల‌బ‌డిన‌ ‘రణబాలి’.. బాక్సాఫీస్ వద్ద రూ.82 కోట్ల గ్రాస్ కలెక్షన్లు!

Ranabaali | తెలుగు చలనచిత్ర పరిశ్రమలో భారీ అంచనాల మధ్య విడుదలైన 'రణాబాలి' చిత్రం బాక్సాఫీస్ వద్ద సత్తా చాటుతోంది.

తెలుగు చలనచిత్ర పరిశ్రమలో భారీ అంచనాల మధ్య విడుదలైన ‘రణబాలి’ చిత్రం బాక్సాఫీస్ వద్ద సత్తా చాటుతోంది. సినిమా విడుదలైన ప్రారంభంలో కొన్ని మిక్స్‌డ్ టాక్ మరియు భిన్న స్పందనలు వచ్చినప్పటికీ, వీకెండ్స్ మరియు వర్కింగ్ డేస్‌లోనూ సినిమా వసూళ్లు మాత్రం ఎక్కడా తగ్గకుండా నిలకడగా కొనసాగుతున్నాయి. చిత్రానికి ఉన్న క్రేజ్ మరియు బీ, సీ సెంటర్స్ లో లభిస్తున్న ఆదరణ కారణంగా కలెక్షన్లు స్థిరంగా వస్తున్నట్లు ట్రేడ్ వర్గాలు వెల్లడిస్తున్నాయి.

తాజా ట్రేడ్ నివేదికల ప్రకారం, ఈ చిత్రం ఇప్పటివరకు ప్రపంచవ్యాప్తంగా సుమారు రూ. 82 కోట్ల వరకు గ్రాస్ వసూళ్లను సాధించినట్లు అంచనా వేస్తున్నారు. థియేట్రికల్ రన్‌తో పాటు ఈ సినిమా నాన్-థియేట్రికల్ బిజినెస్ కూడా భారీ స్థాయిలోనే జరిగినట్లు తెలుస్తోంది. శాటిలైట్, డిజిటల్ (OTT) మరియు ఆడియో రైట్స్ రూపంలో నాన్-థియేట్రికల్ బిజినెస్ ద్వారా సుమారు రూ. 85 కోట్లు రాబట్టినట్లు సమాచారం. దీనివల్ల మేకర్స్ మరియు డిస్ట్రిబ్యూటర్లకు సేఫ్ జోన్ లభించిందని, సినిమా ఆర్థికంగా మంచి లాభాల దిశగా పయనిస్తోందని సినీ విశ్లేషకులు అభిప్రాయపడుతున్నారు.