Ramarao On Duty Teaser | ‘పేరు, రూపం సింపుల్‌గా ఉన్నా..వాడు సూప‌ర్ మ్యాన్’

రామారావు ఆన్ డ్యూటీ (Ramarao On Duty మూవీ టీజ‌ర్ ను మేక‌ర్స్ విడుద‌ల చేశారు. 'పేరు, రూపం సింపుల్‌గా ఉన్న వాడు సూప‌ర్ మ్యాన్' అంటూ ర‌వితేజ గురించి చెప్పే డైలాగ్స్ తో టీజ‌ర్ మొద‌లైంది.

టాలీవుడ్ హీరో ర‌వితేజ ( Ravi Teja) న‌టిస్తోన్న తాజా చిత్రం రామారావు ఆన్ డ్యూటీ (Ramarao On Duty). యూనిక్ థ్రిల్ల‌ర్‌గా వ‌స్తున్న ఈ మూవీకి డెబ్యూట్ డైరెక్ట‌ర్ శ‌ర‌త్ మండ‌వ (Sarat Mandava) ద‌ర్శ‌క‌త్వం వ‌హిస్తున్నాడు. ఈ మూవీ టీజ‌ర్ ను మేక‌ర్స్ విడుద‌ల చేశారు. ‘పేరు, రూపం సింపుల్‌గా ఉన్న వాడు సూప‌ర్ మ్యాన్’ అంటూ ర‌వితేజ గురించి చెప్పే డైలాగ్స్ తో టీజ‌ర్ మొద‌లైంది.

‘ఆయుధం మీద ఆధార‌ప‌డే నీలాంటి వాడి ధైర్యం వాడి ఆయుధంలో ఉంటుంది. ఆయుధంలా బ‌తికే నా లాంటి వాడి ధైర్యం అణువ‌ణువునా ఉంటుంది..’ అంటూ ర‌వితేజ మార్క్ సంభాష‌ణలు అభిమానుల్లో ఫుల్ జోష్ నింపేలా ఉన్నాయి. ఈ చిత్రంలో దివ్యాంక కౌశిక్ (Divyansha Kaushik), ర‌జిష విజయన్ హీరోయిన్లుగా న‌టిస్తున్నారు.

ఈ ప్రాజెక్టులో వేణు తొట్టెంపూడి, నాజ‌ర్‌, త‌నికెళ్ల‌భ‌ర‌ణి, ప‌విత్ర లోకేష్ ఇత‌ర‌ కీల‌క పాత్ర‌లు పోషిస్తున్నారు. ఎస్ఎల్‌వీ సినిమాస్‌, ఆర్‌టీ టీమ్ వ‌ర్క్స్ బ్యాన‌ర్ల‌పై నిర్మిస్తున్న ఈ చిత్రానికి సామ్ సీఎస్ మ్యూజిక్ డైరెక్ట‌ర్.