RAPO20 | మైసూరులో రామ్-బోయపాటి యాక్షన్?

Ram Pothineni-Boyapati Sreenu | రామ్ పోతినేని ప్రస్తుతం బోయపాటితో అవుట్ అండ్ అవుట్ మాస్ సినిమా చేస్తున్నాడు. ఇప్పటికే రిలీజైన పోస్టర్లు, గ్లింప్స్ ఓ రేంజ్ లో అంచనాలు క్రియేట్ చేశాయి. అంతేకాకుండా రామ్ ఈ సినిమాలో మరింత మాస్ గా కనిపిస్తున్నాడు.

Ram Pothineni-Boyapati Sreenu | ‘ఇస్మార్ట్‌ శంకర్’ సినిమాతో రామ్‌ పోతినేని తనలోని మాస్‌ కోణాని ప్రేక్షకులకు పరిచయం చేశాడు. అప్పటివరకు లవర్ బాయ్‌ ఇమేజ్‌ను ఏర్పరుచుకున్న రామ్‌ ఇస్మార్ట్‌ శంకర్‌ సినిమాతో పూర్తిగా మాస్‌ హీరోగా మేకోవర్‌ అయ్యాడు. అంతేకాకుండా ఈ చిత్రం త‌ర్వాత రామ్ క‌థ‌ల ఎంపిక పూర్తిగా మారింది. మాస్ ఆడియెన్స్‌కు ద‌గ్గ‌ర‌వ్వాల‌నే ఉద్దేశంతో మాస్ క‌థ‌ల వైపే మొగ్గుచూపుతున్నాడు. గతేడాదిలో వ‌చ్చిన ‘రెడ్‌’.. ఇటీవలే వచ్చిన ‘ది వారియర్‌’ చిత్రంలోనూ మాస్‌ షేడ్స్ ఉన్న పాత్రలో నటించి మెప్పించాడు.

ఈ రెండు సినిమాలు బాక్సాఫీస్‌ దగ్గర భారీ విజయాలు సాధించలేకపోయినప్పటికి.. రామ్‌కు మాత్రం మాస్‌లో మంచి పాపులారిటీ వచ్చింది. ఇక ఇప్పుడు ఏకంగా బోయపాటితో సినిమా చేస్తుండటంతో అందరిలోనూ తీవ్ర ఆసక్తి నెలకొంది. ఇప్పటికే రిలీజైన పోస్టర్‌లు ప్రేక్షకులను తెగ ఆకట్టుకున్నాయి. ప్రస్తుతం ఈ సినిమా షూటింగ్‌ శరవేగంగా జరుగుతుంది. కాగా ఈ సినిమా షూటింగ్ ఓ కొలిక్కి వచ్చినట్లు తెలుస్తుంది. తాజాగా ఈ సినిమా మైసూర్ లో ఓ మేజర్ షెడ్యూల్ ప్రారంభించింది. ఈ షెడ్యూల్లో ఓ పాట, ఫైట్ చిత్రీకరిస్తారట. ఆ తర్వాత హైదరాబాద్ లో ఓ పాట షూట్ చేస్తూ టాకీ పార్టు మొత్తం పూర్తవుతుందట. ఈ లెక్కన జూలైలో పోస్ట్ ప్రొడక్షన్ వర్క్ కూడా పూర్తయిపోయింది. ముందు నుంచి దసరాని టార్గెట్ చేస్తూ వస్తున్నా.. ప్రస్తుతం సినిమాను ముందే రిలీజ్ చేసే ప్లాన్ ఉన్నారట. దీనిపై క్లారిటీ రావాలంటే మరికొన్ని రోజులు వేచి చూడాల్సిందే.