సినిమానే నా ఊపిరి

నిరంతర శ్రమ, ప్రతిభతో వారసత్వాన్ని మించిన గుర్తింపు తెచ్చుకున్నారు రామ్‌చరణ్‌. తండ్రి చిరంజీవి గర్వించే వారసుడయ్యారు. ‘ఆర్‌ఆర్‌ఆర్‌'తో పాన్‌ ఇండియా గుర్తింపుతో పాటు ఆస్కార్‌ అవార్డ్‌ విజయంలో భాగమయ్యారు.

నిరంతర శ్రమ, ప్రతిభతో వారసత్వాన్ని మించిన గుర్తింపు తెచ్చుకున్నారు రామ్‌చరణ్‌. తండ్రి చిరంజీవి గర్వించే వారసుడయ్యారు. ‘ఆర్‌ఆర్‌ఆర్‌’తో పాన్‌ ఇండియా గుర్తింపుతో పాటు ఆస్కార్‌ అవార్డ్‌ విజయంలో భాగమయ్యారు. నేడు ఆయన పుట్టినరోజు సందర్భంగా బర్త్‌డే డీపీలు సోషల్‌ మీడియాలో ట్రెండ్‌ అవుతున్నాయి. రామ్‌చరణ్‌కు పుట్టినరోజు శుభాకాంక్షలు చెబుతూ నెటిజన్లు కామన్‌ డీపీని షేర్‌ చేస్తున్నారు. మరోవైపు ఆయన నటించిన ‘ఆరెంజ్‌’ సినిమా రీ రిలీజ్‌ థియేటర్‌లలో సందడి చేస్తున్నది. ఆయన పుట్టినరోజును ఆర్సీ 15 సినిమా యూనిట్‌ ఘనంగా జరిపింది. దర్శకుడు శంకర్‌, నాయిక కియారా, నిర్మాత దిల్‌ రాజు, కొరియోగ్రాఫర్‌ ప్రభుదేవా తదితర యూనిట్‌ సభ్యులు కేక్‌ కట్‌ చేసి రామ్‌చరణ్‌కు పుట్టినరోజు శుభాకాంక్షలు తెలిపారు. సినిమాల గురించి తన దృక్పథాన్ని ఇటీవలి ఇంటర్వ్యూల్లో పంచుకున్నారు చరణ్‌. ఆయన స్పందిస్తూ…‘సినిమానే నా ఊపిరి. ఇది కేవలం వారసత్వం అనుకోను. యాక్టింగ్‌ నా ప్యాషన్‌. బాలీవుడ్‌ సహా దేశవ్యాప్తంగా పేరు తెచ్చుకోవాలనే కోరిక నా కెరీర్‌ ప్రారంభం నుంచీ ఉండేది. మన మట్టిలో నుంచి పుట్టిన కథలతోనే ఇది సాధ్యమని తెలుసుకున్నా. మన పోరాటాలు, మన జీవితాలను చూపించే చిత్రాలే ఇవాళ ప్రాంతాలకు అతీతంగా ప్రపంచమంతా ఆదరణ పొందుతున్నాయి. భాషలు కాదు మనమంతా కలిస్తేనే చరిత్ర సృష్టించగలం’ అని అన్నారు.