స్పోర్ట్స్‌ డ్రామాకు కసరత్తు

‘ఆర్‌ఆర్‌ఆర్‌' చిత్రం ద్వారా దేశవ్యాప్తంగా పాపులారిటీ సంపాదించుకున్నారు అగ్ర హీరో రామ్‌చరణ్‌. దీంతో ఆయన తదుపరి చిత్రాల గురించి సినీ ప్రియులు ఆసక్తిగా ఎదురుచూస్తున్నారు. ప్రస్తుతం ఆయన శంకర్‌ దర్శకత్వంలో ‘గేమ్‌ ఛేంజర్‌' అనే చిత్రంలో నటిస్తున్న విషయం తెలిసిందే.

‘ఆర్‌ఆర్‌ఆర్‌’ చిత్రం ద్వారా దేశవ్యాప్తంగా పాపులారిటీ సంపాదించుకున్నారు అగ్ర హీరో రామ్‌చరణ్‌. దీంతో ఆయన తదుపరి చిత్రాల గురించి సినీ ప్రియులు ఆసక్తిగా ఎదురుచూస్తున్నారు. ప్రస్తుతం ఆయన శంకర్‌ దర్శకత్వంలో ‘గేమ్‌ ఛేంజర్‌’ అనే చిత్రంలో నటిస్తున్న విషయం తెలిసిందే. ఈ సినిమా తర్వాత ‘ఉప్పెన’ ఫేమ్‌ బుచ్చిబాబు దర్శకత్వంలో రామ్‌చరణ్‌ ఓ చిత్రాన్ని చేయబోతున్నారు.

క్రీడా నేపథ్యంలో సాగే రియలిస్టిక్‌ యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కించబోతున్నారు. తాజా సమాచారం ప్రకారం జనవరిలో ఈ సినిమా రెగ్యులర్‌ షూటింగ్‌ మొదలుకానుందని తెలిసింది. ఈ సినిమాలో రామ్‌చరణ్‌ సరికొత్త మేకోవర్‌లో కనిపించనున్నారని, శారీరకధారుడ్యం కోసం ప్రత్యేకంగా శిక్షణ తీసుకోబోతున్నారని తెలిసింది. ఈ చిత్రానికి ఏ.ఆర్‌.రెహమాన్‌ సంగీతాన్నందించనున్నారు.