Ram Charan | రామ్ చరణ్ – అనిరుధ్ కాంబినేషన్ ఫిక్స్‌..   క్రేజీ కాంబోపై భారీ అంచనాలు!

Ram Charan | టాలీవుడ్‌లో ప్రస్తుతం స్టార్ హీరోల సినిమాలకు సంగీతం అందించే విషయంలో అనిరుధ్ రవిచందర్ పేరు ప్రముఖంగా వినిపిస్తోంది. తనదైన సంగీతంతో దక్షిణాది సినీ పరిశ్రమలో ప్రత్యేక గుర్తింపు సంపాదించుకున్న ఈ యువ సంగీత దర్శకుడు.. ఇప్పుడు మెగా అభిమానులు ఎప్పటి నుంచో ఎదురుచూస్తున్న ఓ క్రేజీ కాంబినేషన్‌లో భాగం కానున్నట్లు ప్రచారం జరుగుతోంది.

Ram Charan | టాలీవుడ్‌లో ప్రస్తుతం స్టార్ హీరోల సినిమాలకు సంగీతం అందించే విషయంలో అనిరుధ్ రవిచందర్ పేరు ప్రముఖంగా వినిపిస్తోంది. తనదైన సంగీతంతో దక్షిణాది సినీ పరిశ్రమలో ప్రత్యేక గుర్తింపు సంపాదించుకున్న ఈ యువ సంగీత దర్శకుడు.. ఇప్పుడు మెగా అభిమానులు ఎప్పటి నుంచో ఎదురుచూస్తున్న ఓ క్రేజీ కాంబినేషన్‌లో భాగం కానున్నట్లు ప్రచారం జరుగుతోంది. మెగాపవర్ స్టార్ రామ్ చరణ్, దర్శకుడు సుకుమార్ కలయికలో తెరకెక్కనున్న సినిమాకు అనిరుధ్ సంగీతం అందించనున్నారనే వార్త ప్రస్తుతం సినీ వర్గాల్లో ఆసక్తిని పెంచుతోంది.

రామ్ చరణ్‌కు టాలీవుడ్‌లోనే కాకుండా దేశవ్యాప్తంగా మంచి గుర్తింపు ఉంది. మరోవైపు అనిరుధ్ రవిచందర్ తన సంగీతంతో భారీ సినిమాలకు ప్రత్యేక ఆకర్షణగా నిలుస్తున్నారు. ఆయన స్వరపరిచిన పాటలు, నేపథ్య సంగీతం అభిమానులను విశేషంగా ఆకట్టుకుంటున్నాయి. దీంతో చరణ్‌ సినిమాకు అనిరుధ్ సంగీతం అందిస్తే ఎలా ఉంటుందనే ఆసక్తి చాలాకాలంగా అభిమానుల్లో ఉంది. ఇప్పుడు రామ్ చరణ్, సుకుమార్ కాంబినేషన్‌లో రానున్న చిత్రానికి అనిరుధ్ పేరు వినిపిస్తుండటంతో ఈ ప్రాజెక్టుపై అంచనాలు మరింత పెరుగుతున్నాయి. అయితే ఈ కాంబినేషన్‌పై చిత్రబృందం నుంచి అధికారిక ప్రకటన రావాల్సి ఉంది.

రామ్ చరణ్, అనిరుధ్ కలిసి పనిచేయాల్సిన అవకాశం గతంలోనే వచ్చినట్లు తెలుస్తోంది. చరణ్ నటించిన యాక్షన్ చిత్రం ‘బ్రూస్ లీ’కి తొలుత అనిరుధ్‌ను సంగీత దర్శకుడిగా ఎంపిక చేసినట్లు అప్పట్లో వార్తలు వచ్చాయి. అయితే చివరకు ఆ సినిమాకు ఎస్‌.ఎస్‌. థమన్ సంగీతం అందించారు. అప్పట్లో రామ్ చరణ్‌తో కలిసి పనిచేయాలనే ఆసక్తిని అనిరుధ్ సామాజిక మాధ్యమాల్లో కూడా వ్యక్తం చేసినట్లు అభిమానులు గుర్తుచేస్తున్నారు. దీంతో వీరిద్దరి కలయిక ఎప్పుడు సాధ్యమవుతుందనే చర్చ అప్పటి నుంచే కొనసాగుతోంది. ఇప్పుడు సుకుమార్ దర్శకత్వంలో రూపొందనున్న సినిమా కోసం ఈ కాంబినేషన్ కుదిరిందనే ప్రచారం రావడంతో అభిమానులు ఆసక్తిగా ఎదురుచూస్తున్నారు.