విలన్లపై విరుచుకుపడే వయొలెంట్‌ డాక్టర్‌?

అశ్వత్‌ మారిముత్తు దర్శకత్వంలో రజనీకాంత్‌ చేస్తున్న ‘ధర్మన్‌' సినిమాలో తొలిసారి తలైవా డెడ్లీ డాక్టర్‌గా కనిపించబోతున్నారు. ప్రస్తుతం కోలీవుడ్‌లో ఈ సినిమాలోని ఆయన పాత్ర తీరుతెన్నులపై ఇప్పటికే రకరకాల కథనాలు వెలువడుతున్నాయి.

అశ్వత్‌ మారిముత్తు దర్శకత్వంలో రజనీకాంత్‌ చేస్తున్న ‘ధర్మన్‌’ సినిమాలో తొలిసారి తలైవా డెడ్లీ డాక్టర్‌గా కనిపించబోతున్నారు. ప్రస్తుతం కోలీవుడ్‌లో ఈ సినిమాలోని ఆయన పాత్ర తీరుతెన్నులపై ఇప్పటికే రకరకాల కథనాలు వెలువడుతున్నాయి. సర్జికల్‌ స్కాల్పెల్‌తో ఆపరేషన్‌ థియేటర్‌లోనే విలన్లపై విరుచుకుపడే వయొలెంట్‌ డాక్టర్‌గా ఇందులో రజనీకాంత్‌ కనిపిస్తారట. ఓ వైపు మృదుస్వభావిగా రోగులకు వైద్యం చేస్తూ, మరోవైపు నేరస్థుల పాలిట కాలయముడిగా రజనీకాంత్‌ క్యారెక్టరైజేషన్‌ ఉంటుందని తెలుస్తున్నది.

ఈ సినిమాలో రజనీ కేవలం డాక్టర్‌గానే కాక, విద్యార్థులకు చదువు చెప్పే ప్రొఫెసర్‌గా కూడా కనిపిస్తారట. రజనీకాంత్‌ కెరీర్‌లోనే ఈ తరహా పాత్ర చేయడం ప్రథమమని చిత్రబృందం చెబుతున్నది. సూపర్‌స్టార్‌ అభిమానులకు ఈ సినిమా ఓ విజువల్‌ ఫీస్ట్‌లా ఉండబోతున్నదని సమాచారం. రాజ్‌కమల్‌ ఫిల్మ్స్‌ ఇంటర్నేషనల్‌ పతాకంపై ప్రముఖ నటుడు కమల్‌హాసన్‌ ఈ సినిమాను నిర్మిస్తున్న విషయం తెలిసిందే. ఇందులో ఆయన ఓ ప్రత్యేక పాత్రలో కనిపిస్తారని వినికిడి.