Aadikeshava | PVT4కు ఆదికేశవ టైటిల్‌.. వైష్ణవ్‌ తేజ్‌ మాస్ అవతార్‌ గ్లింప్స్

PVT4 | పంజా వైష్ణవ్‌ తేజ్‌ (Vaishnav Tej) శ్రీకాంత్ ఎన్‌ రెడ్డి దర్శకత్వంలో సినిమా చేస్తున్నాడని తెలిసిందే. PVT 4గా వస్తున్న ఈ చిత్రం టైటిల్ ఏంటో అప్‌డేట్‌ ఇస్తూ.. ఫస్ట్‌ గ్లింప్స్ వీడియో విడుదల చేశారు. ఈ చిత్రానికి ఆదికేశవ (Aadikeshava) టైటిల్‌ను ఫైనల్ చేశారు.

May 15, 2023 / 05:47 PM IST

Aadikeshava | PVT4కు ఆదికేశవ టైటిల్‌.. వైష్ణవ్‌ తేజ్‌ మాస్ అవతార్‌ గ్లింప్స్

PVT4 | టాలీవుడ్ యాక్టర్ పంజా వైష్ణవ్‌ తేజ్‌ (Vaishnav Tej) శ్రీకాంత్ ఎన్‌ రెడ్డి దర్శకత్వంలో సినిమా చేస్తున్నాడని తెలిసిందే. PVT 4గా వస్తున్న ఈ చిత్రం ప‌క్కా మాస్ యాక్షన్‌ క‌మ‌ర్షియ‌ల్ ఎంట‌ర్‌టైన‌ర్‌గా తెరకెక్కుతుంది. తాజాగా ఈ సినిమా టైటిల్ ఏంటో అప్‌డేట్‌ ఇస్తూ.. ఫస్ట్‌ గ్లింప్స్ వీడియో విడుదల చేశారు. ఈ చిత్రానికి ఆదికేశవ (Aadikeshava) టైటిల్‌ను ఫైనల్ చేశారు. గ్లింప్స్ వీడియోలో అంతా తవ్వేశారు.. మా గుడి జోలికి మాత్రం రాకండయ్యా.. శివుడికి కోపమొస్తే ఊరికి మంచిది కాదని విధ్వంసం సృష్టించేందుకు వచ్చిన రౌడీలతో పూజారి అంటున్నాడు.

వైష్ణవ్‌ తేజ్‌ ఆ రౌడీల అంతు చూసే యాక్షన్‌ సన్నివేశాలతో గ్లింప్స్ వీడియో సాగుతుంది. వైష్ణవ్‌ తేజ్‌ ఈ చిత్రంలో పక్కా యాక్షన్‌ మాస్‌ అవతార్‌లో అదరగొట్టబోతున్నట్టు గ్లింప్స్ వీడియోతో అర్థమవుతోంది. ఈ మూవీలో పెళ్లి సంద‌D ఫేం శ్రీలీల, బీస్ట్‌ ఫేం అపర్ణా దాస్ ఫీ మేల్‌ లీడ్‌ రోల్స్‌లో నటిస్తున్నారు. కోలీవుడ్ యాక్టర్ కమ్‌ టాలెంటెడ్‌ మ్యూజిక్‌ డైరెక్టర్‌ జీవీ ప్రకాశ్‌ కుమార్ ఈ చిత్రానికి సంగీతం అందిస్తున్నాడు.

ఈ ప్రాజెక్ట్‌ను సితార ఎంట‌ర్‌టైన్ మెంట్స్ (Sithara Entertainments)-ఫార్చూన్ ఫోర్ సినిమా బ్యాన‌ర్లు సంయుక్తంగా తెరకెక్కిస్తున్నాయి. నాగ‌వంశి, సాయి సౌజ‌న్య నిర్మిస్తున్నారు. ఇప్పటికే విడుదల చేసిన గ్లింప్స్ వీడియో (PVT4 Glimpse Video) నెట్టింట హల్‌ చల్ చేస్తూ.. ఈ సినిమా ఎలా ఉండబోతుందో హింట్ ఇచ్చేసింది.

‘రేయ్ రాముడు లంక మీద ప‌డ‌టం ఇనుంటావ్‌..అదే ప‌ది త‌ల‌కాయ‌లు ఊడి అయోధ్య మీద ప‌డితే ఎట్టుంటాదో చూస్తావా..అని విల‌న్ అంటుంటే..ఈ అయోధ్యలో ఉండేది రాముడు కాద‌ప్ప‌.. ఆ రాముడినే కొలిచే రుద్ర కాలేశ్వరుడు.. త‌ల‌లు కోసి చేతికిస్తా నా యాళ..అంటూ సాగుతూ గూస్‌ బంప్స్ తెప్పిస్తోంది. ఈ మూవీని జులైలో విడుద‌ల చేస్తున్నట్టు మేకర్స్‌ ప్రకటించారు.

PVT4 గ్లింప్స్ వీడియో..