Puspa 2 dialogues | పులి నాలుగు అడుగులు వెనక్కి వేసిందంటే.. పుష్ప 2లో అల్లు అర్జున్ క్రేజీ డైలాగ్స్‌ ఇవే..!

అల్లు అర్జున్‌ ( Allu Arjun) ప్రస్తుతం ‘పుష్ప 2’ (Puspa.. The Rule) తో డబుల్ ట్రీట్‌ అందించేందుకు రెడీ అవుతున్నాడు. ఇవాళ్టి నుంచి హైదరాబాద్‌లో కొత్త షెడ్యూల్‌ మొదలుకానున్నట్టు ఇప్పటికే ఓ అప్‌డేట్ వచ్చింది. పుష్ప 2 డైలాగ్‌కు సంబంధించిన ఇంట్రెస్టింగ్ గాసిప్‌ ఒకటి నెట్టింట హల్‌ చల్ చేస్తోంది.

అల్లు అర్జున్‌ ( Allu Arjun) టైటిల్‌ రోల్‌ పోషించిన చిత్రం పుష్ప బాక్సాఫీస్‌ను ఏ రేంజ్‌లో షేక్ చేసిందో ప్రత్యేకించి చెప్పనవసరం లేదు. ఇక ప్రస్తుతం ‘పుష్ప 2’ (Puspa.. The Rule) తో డబుల్ ట్రీట్‌ అందించేందుకు రెడీ అవుతున్నాడు. ఈ చిత్రం షూటింగ్‌ కొంత భాగం పూర్తవగా.. ఇవాళ్టి నుంచి హైదరాబాద్‌లో కొత్త షెడ్యూల్‌ మొదలుకానున్నట్టు ఇప్పటికే ఓ అప్‌డేట్ వచ్చింది.

కాగా పుష్ప 2 డైలాగ్‌కు సంబంధించిన ఇంట్రెస్టింగ్ గాసిప్‌ ఒకటి నెట్టింట హల్‌ చల్ చేస్తోంది. ఇందులో పుష్పరాజ్‌ చెప్పే ఓ డైలాగ్‌ ప్రేక్షకుల్లో గూస్‌బంప్స్ తెప్పించేలా ఉండబోతుందట. అడవిలో జంతువులు నాలుగు అడుగులు వెనక్కి వేశాయంటే పులి వచ్చిందని అర్థం. అదే ఆ పులి నాలుగు అడుగులు వెనక్కి వేసిందంటే పుష్పరాజ్ వచ్చాడని అర్థం..అనే డైలాగ్ ఉండనుందన్న వార్త ఇపుడు టాక్‌ ఆఫ్ ది టౌన్‌గా నిలుస్తోంది. మరి ఈ క్రేజీ డైలాగ్స్‌ ఉండబోయేది నిజమేనా..? అనేది తెలియాలంటే కొన్నిరోజులు ఆగాల్సిందే.

రష్మిక మందన్నా ఫీ మేల్ లీడ్‌ రోల్‌ లో నటిస్తున్న పార్టు-2లో ఫహద్‌ ఫాసిల్‌, ధనుంజయ్‌, అనసూయ భరద్వాజ్‌ కీలక పాత్రలు పోషిస్తున్నారు. సీక్వెల్‌ టీంలో కొత్త యాక్టర్లు కనిపిస్తారని వార్తలు రాగా.. వీటిపై రానున్న రోజుల్లో క్లారిటీ రానుంది. ఈ చిత్రానికి రాక్‌ స్టార్ దేవిశ్రీప్రసాద్‌ సంగీతం అందిస్తున్నాడు. మైత్రీ మూవీ మేకర్స్‌ బ్యానర్‌పై నవీన్‌ ఏర్నేని, వై.రవిశంకర్‌ నిర్మిస్తున్నారు. పుష్ప 2కు కథ, స్క్రీన్‌ప్లే, దర్శకత్వం సుకుమార్‌ (Sukumar).