Nabha Natesh | సినిమాను తేలిగ్గా జనాల్లోకి తీసుకెళ్లడానికి వినూత్నంగా ప్లాన్ చేస్తున్నారు మేకర్స్. ఊహించని విధంగా వీధుల్లో కొచ్చేసి అల్లరి చేసేయడం, లైవ్ నడుస్తుంటే యాంకర్తో గొడవ పెట్టేసుకోవడం.. ఇలా అన్నమాట. ఇది ముందుగా ప్లాన్ చేసుకొని చేస్తున్న నాటకాలని తెలియని జనం ఆ గొడవని రిపీట్ చేసి చూడటం.. దీంతో సదరు చిత్రానికి ఆటోమేటిగ్గా ప్రచారం లభించడం.. ఇదో కొత్త స్ట్రాటజీ. ఈ పోకడ శృతిమించడంతో.. సాంఘిక మాధ్యమం వేదికగా ఇద్దరు వ్యక్తులకు నిజంగానే గొడవ జరిగినా.. అది కూడా పబ్లిసిటీ స్టంటే అంటున్నారు.
రీసెంట్గా నభా నటేష్కీ, నటుడు ప్రియదర్శికీ ఎక్స్(ట్విటర్) వేదికగా మాటల యుద్ధం జరిగింది. ఈ గొడవ ఇప్పుడు ఓ రేంజ్లో వైరల్ అవుతున్నది. వివరాల్లోకెళ్తే.. హీరో ప్రభాస్ వాయిస్తో డబ్స్మాష్ వీడియోను నభా ఇటీవలే పోస్ట్ చేసింది. ఆ పోస్ట్పై స్పందించిన ప్రియదర్శి ‘వావ్.. సూపర్ డార్లింగ్.. కిర్రాక్’ అంటూ రిైప్లె ఇచ్చాడు. దీంతో ‘ఐపీసీ సెక్షన్ 354ఏ ప్రకారం పరిచయం లేని ఒక స్త్రీని డార్లింగ్ అని సంభోదించడం లైంగిక వేధింపులతో సమానం’ అని రాసి ఉన్న ఒక మెసేజ్తో ప్రియదర్శికి రిైప్లె ఇచ్చి, ‘మిస్టర్.. కామెంట్ చేసే ముందు మాటలు జాగ్రత్త’ అని కూడా రాసింది నభా.
‘మనకు పరిచయం లేదన్న విషయం నాకు తెలీదు.. మీరైతే డార్లింగ్ అనేయొచ్చు.. మేమంటే సెక్షన్లా?’ అంటూ ప్రియదర్శి ఎదురు ప్రశ్నిస్తూ.. లైట్ తీస్కో డార్లింగ్..’ అని మరో రిైప్లె ఇచ్చాడు. దాంతో నభా కోపం నషాళానికి అంటి.. ‘లిమిట్స్ దాటి ప్రవర్తించకు.. తర్వాత చూసుకుందాం’ అంటూ సీరియస్గా రిైప్లె ఇచ్చింది. ప్రస్తుతం ఈ చాటింగ్ వైరల్ అవుతున్నది. నెటిజన్స్ ఎవరికి తోచినట్టు వారు స్పందిస్తున్నారు. కొందరైతే.. వీరిద్దరూ కలిసి సినిమా చేయబోతున్నారనీ, సినిమా పేరు ‘డార్లింగ్’ అనీ, సినిమా ప్రమోషన్ కోసం జనాన్ని పిచ్చోళ్లని చేస్తున్నారని అభిప్రాయపడుతున్నారు.