Pooja Hegde: ప్రేర‌ణ‌కు బ‌ర్త్ డే విషెస్.. ఏంజెల్‌లా క‌నిపిస్తున్న పూజా హెగ్డే

నాగ చైతన్య హీరోగా నటించిన ‘ఒక లైలా కోసం’ సినిమాతో టాలీవుడ్‌కు పరిచయమైన అందాలు ముద్దు గుమ్మ పూజా హెగ్డే . వ‌రుణ్ తేజ్ హీరోగా తెర‌కెక్కిన ముకుంద సినిమాలో గోపిక‌మ్మ‌గా అల‌రించిన పూజా.. అల వైకుంఠ‌పుర‌ములో చిత్రంలో బుట్ట బొమ్మ‌గా అంద‌రి మ‌న‌సులు దోచుకుంది. ఇక త్వ‌ర‌లో ప్రేర‌ణ‌గా ప‌ల‌క‌రించ‌నుంది. ఈ రోజు పూజా హెగ్డే బ‌ర్త్ డే కావ‌డంతో ఆమెకు సంబంధించిన పోస్ట‌ర్‌ని రాధే శ్యామ్ చిత్ర బృందం విడుద‌ల చేసింది. ఇందులో ఏంజెల్‌లా క‌నిపిస్తుంది పూజా.మ‌రో వైపు పూజా న‌టించిన మోస్ట్ ఎలిజిబుల్ బ్యాచిల‌ర్ చిత్రం నుండి కూడా పోస్ట‌ర్ విడుద‌ల చేశారు. ఇది కూడా ఆక‌ట్టుకునేలా ఉంది.

ఈ రోజు పూజా హెగ్డే 31వ వసంతంలోకి అడుగుపెట్ట‌గా, ఆమెకు ప‌లువురు సినీ ప్ర‌ముఖులు శుభాకాంక్ష‌లు తెలియ‌జేస్తున్నారు. అభిమానులు అయితే హ్యాపీ బ‌ర్త్ డే పూజా అనే హ్యాష్ ట్యాగ్‌ని సోష‌ల్ మీడియాలో తెగ ట్రెండ్ చేస్తున్నారు. పూజా హెగ్డే అక్టోబరు 13, 1990న ముంబై లో జన్మించింది. తల్లి దండ్రులది కర్ణాటకలోని మంగళూరు అయినా.. వీళ్లు సెటిల్ అయింది మాత్రం ముంబైలో. తెలుగులో స్టార్ హీరోయిన్‌గా ఓ వెలుగు వెలుగుతున్న పూజా రానున్న రోజుల‌లోమ‌హేష్ బాబు, ప‌వ‌న్ క‌ళ్యాణ్ సినిమాల‌లో న‌టించేందుకు సిద్ధంగా ఉంది.