ఇక సురేందర్‌రెడ్డి వంతు

సినిమా మీద సినిమాలు చేసుకుంటూ జెట్‌ స్పీడ్‌తో దూసుకుపోతున్నారు పవన్‌కల్యాణ్‌. ఇప్పటికే హరిహరవీరమల్లు, ఓజీ, ఉస్తాద్‌ భగత్‌సింగ్‌ సినిమాలు నిర్మాణ దశలో ఉండగానే నాలుగో సినిమాకు పచ్చజెండా ఊపేశారాయన.

సినిమా మీద సినిమాలు చేసుకుంటూ జెట్‌ స్పీడ్‌తో దూసుకుపోతున్నారు పవన్‌కల్యాణ్‌. ఇప్పటికే హరిహరవీరమల్లు, ఓజీ, ఉస్తాద్‌ భగత్‌సింగ్‌ సినిమాలు నిర్మాణ దశలో ఉండగానే నాలుగో సినిమాకు పచ్చజెండా ఊపేశారాయన. సురేందర్‌రెడ్డి దర్శకత్వం వహించనున్న ఈ చిత్రాన్ని ఎస్‌ఆర్‌టీ ఎంటర్‌టైన్‌మెంట్స్‌ పతాకంపై రామ్‌ తాళ్లూరి నిర్మించనున్నారు. వక్కంతం వంశీ కథనందిస్తున్నారు. పవన్‌కల్యాణ్‌ ఇమేజ్‌కు తగ్గట్టుగా అద్భుతమైన వాణిజ్య హంగులున్న కథాంశంతో ఈ సినిమా రూపొందనున్నట్టు దర్శక, నిర్మాతలు తెలియజేశారు. త్వరలో ఈ సినిమా షూటింగ్‌ మొదలుకానుంది. ఈ చిత్రానికి సంబంధించిన మరిన్ని వివరాలను త్వరలో వెల్లడించనున్నారు.