NTR | రేపు ఎన్టీఆర్ స‌తీమ‌ణి బ‌ర్త్ డే.. జూనియ‌ర్ అలాంటి స‌ర్‌ప్రైజ్ ప్లాన్ చేశారా..!

NTR | టాలీవుడ్ యంగ్ టైగర్ జూనియర్ ఎన్టీఆర్ ఇంట్లో రేపు పండుగ వాతావరణం నెలకొనబోతోంది. ఆయన భార్య లక్ష్మీ ప్రణతి పుట్టినరోజు సందర్భంగా ఈసారి ప్రత్యేకంగా గ్రాండ్ సెలబ్రేషన్ ప్లాన్ చేసినట్లు తెలుస్తోంది. సాధారణంగా ఈ జంట బర్త్‌డే వేడుకలను సింపుల్‌గా జరుపుకుంటూ ఉంటారు.

NTR | టాలీవుడ్ యంగ్ టైగర్ జూనియర్ ఎన్టీఆర్ ఇంట్లో రేపు పండుగ వాతావరణం నెలకొనబోతోంది. ఆయన భార్య లక్ష్మీ ప్రణతి పుట్టినరోజు సందర్భంగా ఈసారి ప్రత్యేకంగా గ్రాండ్ సెలబ్రేషన్ ప్లాన్ చేసినట్లు తెలుస్తోంది. సాధారణంగా ఈ జంట బర్త్‌డే వేడుకలను సింపుల్‌గా జరుపుకుంటూ ఉంటారు. కానీ ఈసారి మాత్రం హైదరాబాద్‌లోని ఓ లగ్జరీ వేదికలో భారీ పార్టీ ఏర్పాటు చేసినట్లు ఫిల్మ్‌నగర్‌లో టాక్ వినిపిస్తోంది. తన భార్యకు సర్ప్రైజ్ ఇవ్వడంలో ఎప్పుడూ ముందుండే తారక్, ఈ వేడుకను మరింత ప్రత్యేకంగా మార్చేందుకు ప్రత్యేక ఏర్పాట్లు చేస్తున్నారని సమాచారం.

ఈ లావిష్ పార్టీకి హాజరయ్యే అతిథుల జాబితా కూడా ఆసక్తికరంగా మారింది. ప్రస్తుతం జూనియర్ ఎన్టీఆర్ నటిస్తున్న డ్రాగన్ సినిమా టీమ్ మొత్తం ఈ వేడుకలో పాల్గొనే అవకాశముంది. దర్శకుడు ప్రశాంత్ నీల్‌తో పాటు చిత్ర యూనిట్ సభ్యులు, అలాగే ఇండస్ట్రీలో తారక్‌కు అత్యంత సన్నిహితులైన కొందరు ప్రముఖులు, మెగా ఫ్యామిలీ సభ్యులు కూడా ఈ పార్టీలో సందడి చేయనున్నట్లు తెలుస్తోంది. షూటింగ్ బిజీ స‌మ‌యంలో జరుగుతున్న ఈ సెలబ్రేషన్ యూనిట్‌కు కూడా మంచి రిలీఫ్‌గా మారనుందని అభిమానులు భావిస్తున్నారు.

ఇక ఒకవైపు ఈ వేడుకలు జరుగుతుండగా, మరోవైపు డ్రాగన్ సినిమాపై అంచనాలు రోజురోజుకు పెరుగుతున్నాయి. KGF, సలార్ వంటి భారీ హిట్స్ తర్వాత ప్రశాంత్ నీల్ తెరకెక్కిస్తున్న ఈ పాన్ ఇండియా ప్రాజెక్ట్‌పై భారీ హైప్ నెలకొంది. మైత్రీ మూవీ మేకర్స్ నిర్మిస్తున్న ఈ చిత్రంలో తారక్ కొత్త లుక్‌లో కనిపించనున్నట్లు సమాచారం. ఇప్పటికే 2026 జూన్ 25న విడుదల లక్ష్యంగా పనులు జరుగుతుండగా, పోస్ట్ ప్రొడక్షన్ కారణంగా తేదీలో మార్పులు వచ్చే అవకాశమూ ఉందని టాక్. అయితే రేపు జరగబోయే ప్రణతి బర్త్‌డే వేడుకలో ఈ సినిమాకు సంబంధించిన ఏదైనా అప్డేట్ వస్తుందేమోనని ఫ్యాన్స్ ఆసక్తిగా ఎదురుచూస్తున్నారు.