NTRNeel | ఎన్టీఆర్ – ప్ర‌శాంత్ నీల్ ప్రాజెక్ట్.. షూటింగ్ షురూ.!

Prashanth Neel | ఎన్టీఆర్‌ అభిమానులు ఎప్పుడెప్పుడా అని ఎదురుచూస్తున్న స‌మ‌యం రానే వ‌చ్చింది. ఎన్టీఆర్ - ప్ర‌శాంత్ నీల్ ప్రాజెక్ట్ షూటింగ్ నేటినుంచి ప్రారంభం అయ్యింది.

NTR Neel | అగ్ర‌ క‌థానాయ‌కుడు యంగ్ టైగ‌ర్ ఎన్టీఆర్, క‌న్న‌డ స్టార్ ద‌ర్శ‌కుడు కేజీఎఫ్‌, స‌లార్ చిత్రాల ఫేమ్ ప్రశాంత్ నీల్‌ (PrashanthNeel) కాంబోలో ఒక సినిమా రాబోతున్న విష‌యం తెలిసిందే. #NTRNeel అనే వ‌ర్కింగ్ టైటిల్‌తో రాబోతున్న ఈ సినిమాను పుష్ప 2తో సూప‌ర్ హిట్ అందుకున్న మైత్రీ మూవీ మేక‌ర్స్ నిర్మిస్తుండ‌గా.. రుక్మిణి వ‌సంత్ క‌థానాయిక‌గా న‌టించ‌బోతున్న‌ట్లు సమాచారం. ఇప్ప‌టికే పూజ కార్య‌క్ర‌మాలు పూర్తిచేసుకున్న ఈ చిత్రం షూటింగ్ ఎప్పుడు స్టార్ట్ చేస్తుందా ఎప్పుడు అప్‌డేట్‌లు వ‌స్తాయా అని అటు అభిమానుల‌తో పాటు ప్రేక్ష‌కులు ఎదురుచూస్తున్నారు. ఈ క్ర‌మంలోనే మూవీ షూటింగ్‌కి సంబంధించి అప్‌డేట్ ఒక‌టి మేక‌ర్స్ పంచుకున్నారు.

ఈ సినిమా రెగ్యుల‌ర్ షూటింగ్ నేటినుంచి ప్రారంభం అయిన‌ట్లు చిత్ర‌బృందం ప్ర‌క‌టించింది. ఈ సంద‌ర్భంగా షూటింగ్‌లో ప్ర‌శాంత్ నీల్ యాక్ష‌న్ ఎపిసోడ్ తెర‌కెక్కిస్తున్నప్పుడు తీసిన ఫొటోను చిత్ర‌బృందం పంచుకుంది. ఈ ఫొటో రామోజీ ఫిల్మ్ సిటీలో జ‌రుగుతున్న ఈ భారీ యాక్ష‌న్ ఎపిసోడ్‌లో దాదాపు 1000 మందికి పైగా జూనియ‌ర్ ఆర్టిస్టులు పాల్గోన్న‌ట్లు తెలుస్తుంది. మ‌రోవైపు ఈ షెడ్యూల్‌లో ఎన్టీఆర్ పాల్గొనడం లేదు.

The deadliest showdown begins. #NTRNeel 🔥🔥🔥

Welcome to the TERRITORY of DESTRUCTION… pic.twitter.com/2hxBAqrlws

— #NTRNeel (@NTRNeelFilm) February 20, 2025