టాలీవుడ్ యాక్టర్లు వెంకటేశ్ (Venkatesh), వరుణ్ తేజ్ (Varun Tej) కాంబోలో వస్తున్న మల్టీ స్టారర్ ఎఫ్ 3 (F3). అనిల్ రావిపూడి (Anil Ravipudi) దర్శకత్వం వహిస్తున్న ఈ ప్రాజెక్టు మే 27న గ్రాండ్గా థియేటర్లలో విడుదల కాబోతుంది. ఇప్పటికే విడుదల చేసిన ట్రైలర్కు అద్బుతమైన స్పందన వస్తోంది. ఈ నేపథ్యంలో హైదరాబాద్లోని ఏఎంబీ సినిమాస్లో మంగళవారం సాయంత్రం సక్సెస్ మీట్ ఏర్పాటు చేశారు. తమన్నా, మెహరీన్ కౌర్ హీరోయిన్లుగా నటిస్తున్నారు.
‘ట్రైలర్కు అద్బుతమైన స్పందన వస్తోంది. ఎఫ్ 2 కంటే ఎక్కువ వినోదం ఈ సినిమా అందిస్తుంది. కోవిడ్ తర్వాత నా రెండు సినిమాలు ఓటీటీలో రిలీజయ్యాయి. ఎఫ్3 సినిమాతో మళ్లీ థియేటర్లలో మిమ్మల్ని కలుస్తుండటం ఆనందంగా ఉంది. దిల్ రాజు, శిరీష్, అనిల్ రావిపూడి వండర్ ఫుల్ స్క్రిప్ట్తో వచ్చారు. మొత్తం కుటుంబసభ్యులతో కలిసి ఎంజాయ్ చేసేలా సాగుతుంది ఎఫ్ 3. మే 27న థియేటర్లలోకి వస్తుంది. మీరంతా మీ ఫ్యామిలీ మెంబర్స్ తో కలిసి సినిమా చూసి ఎంజాయ్ చేయాలని కోరుకుంటున్నానని’ అన్నాడు వెంకటేశ్.
ఎఫ్ 3 చిత్రాన్ని దిల్ రాజు సమర్పణలో శ్రీ వెంకటేశ్వర క్రియేషన్స్ బ్యానర్పై శిరీష్ నిర్మిస్తున్నారు. ఈ ప్రాజెక్టులో సోనాల్ చౌహాన్, అన్నపూర్ణమ్మ, వెన్నెల కిశోర్, ప్రకాశ్ రాజ్, రాజేంద్రప్రసాద్, సునీల్ ఇతర నటీనటులు కీ రోల్స్ చేస్తున్నారు. ఎఫ్ 2 తర్వాత దేవీ శ్రీ ప్రసాద్ మరోసారి ఈ చిత్రానికి మ్యూజిక్ డైరెక్టర్గా పనిచేస్తున్నాడు.