Visit:
Viswant | ఇటీవ‌ల టాలీవుడ్ ప్ర‌ముఖులు ఒక్కొక్కరుగా వైవాహిక జీవితంలోకి అడుగుపెడుతున్న విష‌యం తెలిసిందే. ఈ క్ర‌మంలోనే ‘కేరింత’ ఫేమ్ యంగ్ హీరో విశ్వంత్ తన జీవితంలోని కొత్త అధ్యాయాన్ని మొదలుపెట్టాడు. బ్యాచిలర్ లైఫ్‌కు గుడ్‌బై చెబుతూ, ఆయన భావన అనే యువతితో వివాహ బంధంలోకి అడుగుపెట్టారు. తన పెళ్లికి సంబంధించిన ఫొటోలను సోషల్ మీడియాలో షేర్ చేయ‌డంతో ఈ క్యూట్ క‌పుల్‌కి నెటిజ‌న్స్‌తో పాటు ప‌లువురు ప్ర‌ముఖులు శుభాకాంక్ష‌లు తెలియ‌జేస్తున్నారు.
అయితే 2024 అక్టోబ‌ర్‌లో ఈ జంట నిశ్చితార్థం జ‌రుపుకున్న‌ట్టు తెలుస్తుంది. అప్పట్లో భావ‌నతో దిగిన పలు ఫోటోలు సోషల్ మీడియాలో షేర్ చేస్తూ.. ‘A Promise of a Lifetime’’ అనే క్యాప్షన్‌తో ఆనందాన్ని పంచుకున్నాడు. అయితే అప్పట్లో అత‌ను నిశ్చితార్థం ఫొటోలు పంచుకున్నాడా, లేకుంటే పెళ్లి ఫొటోలు షేర్ చేశాడా అనేది ఎవ‌రికి అర్ధం కాలేదు. అయితే తాజాగా మాత్రం ఎలాంటి ప్రకటన లేకుండా సింపుల్‌గా మూడు ముళ్ల బంధంతో ఒక్క‌ట‌య్యారు ఈ జంట. ప్రస్తుతం వారి వెడ్డింగ్ ఫోటోలు సోషల్ మీడియాలో వైరల్ అవుతున్నాయి. ఆంధ్రప్రదేశ్‌లోని సామర్లకోట కు చెందిన విశ్వంత్, కోయంబత్తూరులో ఇంజినీరింగ్ పూర్తి చేశాడు. ఉన్నత చదువుల కోసం అమెరికా వెళ్లిన సమయంలో, దిల్ రాజు బ్యానర్‌లో తెరకెక్కిన ‘కేరింత’ సినిమాలో నటించే అవకాశం వచ్చింది.
అప్పుడే సినిమా పట్ల ఆసక్తితో ఇంజినీరింగ్ మధ్యలోనే వదిలేసి ఇండస్ట్రీలో అడుగుపెట్టాడు. ‘కేరింత’ సినిమా మంచి హిట్ కావడంతో విశ్వంత్‌కి పాజిటివ్ రెస్పాన్స్, వరుసగా అవకాశాలు వచ్చాయి. హీరోగా, క్యారెక్టర్ ఆర్టిస్టుగా పలు సినిమాల్లో నటించి తన స్థాయిని నిరూపించుకున్నాడు.జెర్సీ, ఓ పిట్ట కథ, బాయ్ ఫ్రెండ్ ఫర్ హైర్, కథ వెనక కథ, తోలుబొమ్మలాట, ఆ అమ్మాయి గురించి మీకు చెబుతా, మ్యాచ్ ఫిక్సింగ్, హైడ్ అండ్ సీక్ వంటి చిత్రాల‌లో న‌టించాడు. రామ్ చ‌ర‌ణ్ గేమ్ ఛేంజ‌ర్‌లో కూడా ముఖ్య పాత్ర పోషించాడు. అయితే విశ్వంత్ నూతన జీవితం సంతోషంగా సాగాలని, సినిమాల్లో మరింత విజయం సాధించాలని అభిమానులు ఆకాంక్షిస్తున్నారు.
View this post on Instagram
