Nayanthara | ‘జవాన్’ చిత్రంతో (Jawan Movie) బాలీవుడ్లోకి అరంగేట్రం చేసింది అగ్ర కథానాయిక, లేడీ సూపర్ స్టార్ నయనతార (Nayanthara). ఇటీవలే ప్రేక్షకుల ముందుకొచ్చిన ఈ చిత్రం దేశవ్యాప్తంగా భారీ వసూళ్లను రాబడుతోంది. ఈ సినిమాలో నయనతార అభినయానికి చక్కటి ప్రశంసలు దక్కుతున్నాయి. ప్రస్తుతం జవాన్ సక్సెస్ను నయన్ ఎంజాయ్ చేస్తోంది. ఈ సందర్భంగా ఓ క్రిప్టీ మెసేజ్ (cryptic message)ను ఇన్స్టాగ్రామ్ స్టోరీస్లో పోస్టు చేసింది. భర్త విఘ్నేశ్ శివన్ (Vignesh Shivan) వేసుకున్న టీ షర్ట్పై ‘మంచి రోజులు ఇప్పుడే మొదలయ్యాయి..’ (Good times start now) అని రాసి ఉన్న ఫొటోను షేర్ చేసింది. ప్రస్తుతం ఈ పోస్ట్ తెగ వైరల్ అవుతోంది.
‘జవాన్’ చిత్రం సెప్టెంబర్ 7వ తేదీన (గురువారం) ప్రపంచ వ్యాప్తంగా ప్రేక్షకుల ముందుకు వచ్చిన విషయం తెలిసిందే. రెడ్ చిల్లీస్ ఎంటర్టైన్మెంట్ (Red Chillies Entertainments) సమర్పణలో గౌరీ ఖాన్ ఈ చిత్రాన్ని నిర్మించింది. అట్లీ (Atlee) దర్శకత్వంలో యాక్షన్ థ్రిల్లర్ నేపథ్యంలో తెరకెక్కిన ఈ సినిమాలో విజయ్ సేతుపతి ప్రతినాయకుడిగా కనిపించాడు. షారుఖ్ ఖాన్ (Shah Rukh Khan)కు జోడీగా నయనతార నటించింది. బాలీవుడ్ స్టార్ హీరోయిన్ దీపికా పదుకొణె గెస్ట్ అప్పియరెన్స్ ఇచ్చింది. ప్రస్తుతం ఈ చిత్రం బాక్సాఫీసు వద్ద దూసుకెళ్తోంది. కలెక్షన్ల పరంగా కాసుల వర్షం కురిపిస్తోంది. షారుఖ్ గత రికార్డులను కూడా ఈ చిత్రం ఇప్పటికే బ్రేక్ చేసేసింది.
Also Read..
Jawan Movie | వామ్మో జవాన్ ఓటీటీ హక్కులు అన్ని వందల కోట్లా.. నిజమా పుకారా?
Trisha | త్రిష లైనప్లో అన్ని స్టార్ హీరోల సినిమాలే.. నాలుగు పదుల వయసులోనూ జోరు చూపిస్తుందిగా..!