Visit:
Narne Nithiin | టాలీవుడ్ యంగ్ అండ్ రైజింగ్ స్టార్ నార్నే నితిన్ కథానాయకుడిగా తన 5వ చిత్రాన్ని (#NN5) అధికారికంగా ప్రారంభించారు. ‘మ్యాడ్’, ‘ఆయ్’ వంటి వరుస హిట్లతో జోరుమీదున్న నార్నే నితిన్ కెరీర్లో ఇదొక బ్యూటిఫుల్ రొమాంటిక్ కామెడీ ఎంటర్టైనర్గా తెరకెక్కనుంది. ప్రముఖ నిర్మాణ సంస్థ కేవీఎన్ ప్రొడక్షన్స్ (KVN Productions) ఈ చిత్రాన్ని ఎంతో ప్రతిష్టాత్మకంగా నిర్మిస్తోంది. వెంకట్ కె. నారాయణ నిర్మాణంలో, ‘జూనియర్’ ఫేమ్ దర్శకుడు రాధాకృష్ణ రెడ్డి తెరకెక్కిస్తున్న ఈ ప్రాజెక్ట్కి సంబంధించిన పూజా కార్యక్రమాలు తాజాగా గ్రాండ్గా ప్రారంభమయ్యాయి.
ఈ క్రేజీ ప్రాజెక్ట్కి వివేక్ – మెర్విన్ సంగీతాన్ని అందిస్తుండగా, రామ మారుతి ఎం సినిమాటోగ్రాఫర్గా, నిరంజన్ దేవరమానె ఎడిటర్గా, శివ కామేష్ డి ఆర్ట్ డైరెక్టర్గా వ్యవహరిస్తున్నారు. శరణ్య పొట్ల, అజయ్ గద్దె ఎగ్జిక్యూటివ్ ప్రొడ్యూసర్లుగా బాధ్యతలు నిర్వర్తిస్తున్నారు. సరికొత్త కథాంశంతో రూపొందుతున్న ఈ చిత్రానికి సంబంధించిన మరిన్ని అప్డేట్స్ త్వరలోనే అధికారికంగా వెలువడనున్నాయి.
