‘ఉగ్రం’ తేదీ ఖరారు

నరేష్‌ హీరోగా నటిస్తున్న సినిమా ‘ఉగ్రం’. మిర్నా మీనన్‌ నాయికగా కనిపించనుంది.

నరేష్‌ హీరోగా నటిస్తున్న సినిమా ‘ఉగ్రం’. మిర్నా మీనన్‌ నాయికగా కనిపించనుంది. ఈ చిత్రాన్ని షైన్‌ స్క్రీన్స్‌ పతాకంపై సాహు గారపాటి, హరీష్‌ పెద్ది నిర్మిస్తున్నారు. ఎమోషనల్‌ యాక్షన్‌ మూవీగా దర్శకుడు విజయ్‌ కనకమేడల రూపొందిస్తున్నారు.

నరేష్‌, విజయ్‌ కనకమేడల కాంబినేషన్‌లో గతంలో వచ్చిన ‘నాంది’ సినిమా మంచి విజయాన్ని సాధించింది. దీంతో ఈ కాంబోపై క్రేజ్‌ ఏర్పడింది. ప్రస్తుతం చిత్రీకరణలో ఉన్న ఈ సినిమా విడుదల తేదీని మంగళవారం ప్రకటించారు. ఏప్రిల్‌ 14న ఈ చిత్రాన్ని తెరపైకి తీసుకొస్తున్నట్లు చిత్రబృందం వెల్లడించారు. ఈ చిత్రానికి కథ : తూము వెంకట్‌, మాటలు : అబ్బూరి రవి, సంగీతం : శ్రీచరణ్‌ పాకాల.