Visit:
Naga Shaurya |టాలీవుడ్ యంగ్ హీరో నాగ శౌర్య ప్రధాన పాత్రలో నటించిన తాజా చిత్రం ‘బ్యాడ్ బాయ్ కార్తీక్’ థియేటర్లలో పెద్దగా హడావుడి లేకుండానే విడుదలై ప్రేక్షకుల దృష్టిని పెద్దగా ఆకర్షించలేకపోయింది. సినిమా విడుదలైన విషయం కూడా చాలామందికి తెలియని పరిస్థితి నెలకొనగా, ఇప్పుడు ఇదే చిత్రం ఎలాంటి ముందస్తు ప్రకటనలు లేకుండా నేరుగా ఓటీటీలోకి వచ్చేయడం ఆసక్తికరంగా మారింది.ఈ సినిమాకి డిజిటల్ స్ట్రీమింగ్ హక్కులను అమెజాన్ ప్రైమ్ వీడియో దక్కించుకుంది. ఇప్పటికే ఈ చిత్రం ప్లాట్ఫామ్లో స్ట్రీమింగ్కు అందుబాటులోకి వచ్చినట్లు తెలుస్తోంది. థియేటర్లలో మిస్ అయిన ప్రేక్షకులు ఇప్పుడు ఇంటి వద్ద నుంచే ఈ సినిమాను వీక్షించే అవకాశం పొందుతున్నారు.
‘బ్యాడ్ బాయ్ కార్తీక్’ చిత్రానికి కొత్త దర్శకుడు రమేష్ దేసిన దర్శకత్వం వహించారు. సినిమా యాక్షన్ ఎపిసోడ్స్ను స్టైలిష్గా తెరకెక్కించినప్పటికీ, ప్రధాన కథా కథనాలు మాత్రం పాత తరహాలో సాగడంతో ప్రేక్షకులను పూర్తిగా ఆకట్టుకోలేకపోయిందనే అభిప్రాయాలు వ్యక్తమయ్యాయి. ముఖ్యంగా స్క్రీన్ప్లేలో కొత్తదనం లేకపోవడం సినిమాకు ప్రధాన మైనస్గా మారిందని సినీ వర్గాలు చెబుతున్నాయి.
ఈ చిత్రంలో శ్రీదేవి విజయ్ కుమార్, సముద్రఖని కీలక పాత్రల్లో నటించగా, హీరోయిన్గా విధి యాదవ్ కనిపించింది. సంగీత దర్శకుడు హరీష్ జైరాజ్ ఈ సినిమాకు సంగీతం అందించారు. నిర్మాణ బాధ్యతలను నిర్మాత శ్రీనివాసరావు చింతలపూడి నిర్వహించారు. థియేటర్లలో నిరాశపరిచిన ఈ చిత్రం ఓటీటీలో అయినా ప్రేక్షకులను ఎంతవరకు ఆకట్టుకుంటుందో చూడాలి. ముఖ్యంగా యాక్షన్ సినిమాలను ఇష్టపడే ప్రేక్షకులు ఒకసారి ట్రై చేయవచ్చని సినీ విశ్లేషకులు భావిస్తున్నారు.
