మాస్‌ యాక్షన్‌ హంగామా

అగ్ర నటుడు అక్కినేని నాగార్జున తాజా చిత్రం ‘నా సామిరంగ’ సంక్రాంతి కానుకగా ప్రేక్షకుల ముందుకు రాబోతున్న విషయం తెలిసిందే. విజయ్‌ బిన్నీ దర్శకుడిగా పరిచయమవుతున్న ఈ చిత్రాన్ని శ్రీనివాస సిల్వర్‌ స్క్రీన్‌ పతాకంపై శ్రీనివాస చిట్టూరి నిర్మిస్తున్నారు.

అగ్ర నటుడు అక్కినేని నాగార్జున తాజా చిత్రం ‘నా సామిరంగ’ సంక్రాంతి కానుకగా ప్రేక్షకుల ముందుకు రాబోతున్న విషయం తెలిసిందే. విజయ్‌ బిన్నీ దర్శకుడిగా పరిచయమవుతున్న ఈ చిత్రాన్ని శ్రీనివాస సిల్వర్‌ స్క్రీన్‌ పతాకంపై శ్రీనివాస చిట్టూరి నిర్మిస్తున్నారు. అల్లరి నరేష్‌, రాజ్‌తరుణ్‌ కీలక పాత్రలను పోషిస్తున్నారు. ఆషికా రంగనాథ్‌ కథానాయిక. మాస్‌ యాక్షన్‌ ఎంటర్‌టైనర్‌గా స్నేహబంధం చుట్టూ అల్లుకున్న కథతో ఈ చిత్రాన్ని తెరకెక్కిస్తున్నారు. ఆదివారం టీజర్‌ను విడుదల చేశారు. నాగార్జున-ఆషికా రంగనాథ్‌ మధ్య వచ్చే సరదా సన్నివేశాలు..అల్లరి నరేష్‌, రాజ్‌తరుణ్‌తో నాగార్జున ఫ్రెండ్షిప్‌ను తెలియజేస్తూ టీజర్‌ ఆద్యంతం ఆకట్టుకుంది. మామిడి తోటలో నాగ్‌ ఎంట్రీ ఫైట్‌ సీన్‌ ప్రధానాకర్షణగా నిలిచింది. స్నేహం, యాక్షన్‌ ఎలిమెంట్స్‌తో టీజర్‌ను ఆసక్తికరంగా తీర్చిదిద్దారు. నాగార్జున గోదావరి యాసలో మాట్లాడుతూ కనిపించారు. ఈ చిత్రానికి కెమెరా: శివేంద్ర దాశరథి, సంగీతం: ఎం.ఎం.కీరవాణి, కథ, మాటలు: ప్రసన్నకుమార్‌ బెజవాడ, సాహిత్యం: చంద్రబోస్‌, దర్శకత్వం: విజయ్‌ బిన్ని.