Nagarjuna | మాస్‌ జాతరలో ‘నా సామి రంగ’

అగ్ర హీరో నాగార్జున నటిస్తున్న తాజా చిత్రం ‘నా సామిరంగ’. మాస్‌ అండ్‌ ఫ్యామిలీ ఎంటర్‌టైనర్‌గా తెరకెక్కిస్తున్నారు. విజయ్‌ బిన్ని దర్శకుడిగా పరిచమమవుతున్న ఈ చిత్రాన్ని శ్రీనివాస చిట్టూరి నిర్మిస్తున్నారు. సంక్రాంతి కానుకగా ప్రేక్షకుల ముందుకురానుంది. ఆషికా రంగనాథ్‌ కథానాయిక.

Nagarjuna | అగ్ర హీరో నాగార్జున నటిస్తున్న తాజా చిత్రం ‘నా సామిరంగ’. మాస్‌ అండ్‌ ఫ్యామిలీ ఎంటర్‌టైనర్‌గా తెరకెక్కిస్తున్నారు. విజయ్‌ బిన్ని దర్శకుడిగా పరిచమమవుతున్న ఈ చిత్రాన్ని శ్రీనివాస చిట్టూరి నిర్మిస్తున్నారు. సంక్రాంతి కానుకగా ప్రేక్షకుల ముందుకురానుంది. ఆషికా రంగనాథ్‌ కథానాయిక. ప్రస్తుతం హైదరాబాద్‌లో వేసిన భారీ సెట్‌లో ఈ సినిమా టైటిల్‌ సాంగ్‌ను చిత్రీకరిస్తున్నారు. కీరవాణి స్వరపరచిన ఈ పాటకు చంద్రబోస్‌ సాహిత్యాన్ని అందించారు.

ఈ మాస్‌ గీతంలో నాగార్జునతో పాటు అల్లరి నరేష్‌, రాజ్‌తరుణ్‌ కూడా భాగమవుతున్నారు. 300 మంది డ్యాన్సర్లు పాల్గొంటున్న ఈ గీతం సినిమాకు ప్రధానాకర్షణగా నిలుస్తుందని, హుషారెత్తించే బీట్‌తో అభిమానులను ఆకట్టుకుంటుందని చిత్ర బృందం పేర్కొంది. ఈ చిత్రానికి కెమెరా: దాశరథి శివేంద్ర, సంగీతం: ఎం.ఎం.కీరవాణి, కథ, మాటలు: ప్రసన్నకుమార్‌ బెజవాడ, నిర్మాణ సంస్థ: శ్రీనివాస సిల్వర్‌ స్క్రీన్‌, దర్శకుడు: విజయ్‌ బిన్ని.