Mollywood | టాలీవుడ్‌లో మాలీవుడ్ విలన్ల హవా… స్టార్ హీరోలకి సరిపోతున్న కొత్త సైకో విల‌న్స్!

Mollywood |తెలుగు సినిమా స్థాయి దేశవ్యాప్తంగా పెరిగిపోయినకొద్దీ, హీరోలతో పాటు విలన్ల ఎంపికలో కూడా విప్లవాత్మక మార్పులు రావడం మొదలైంది. ఒకప్పుడు మన హీరోలకు సరిపోయే విలన్ల కోసం బాలీవుడ్‌ నటులను తీసుకొచ్చేవారు.

Mollywood |తెలుగు సినిమా స్థాయి దేశవ్యాప్తంగా పెరిగిపోయినకొద్దీ, హీరోలతో పాటు విలన్ల ఎంపికలో కూడా విప్లవాత్మక మార్పులు రావడం మొదలైంది. ఒకప్పుడు మన హీరోలకు సరిపోయే విలన్ల కోసం బాలీవుడ్‌ నటులను తీసుకొచ్చేవారు. అయితే ఇప్పుడు ఆ ఫార్ములా మార్చేశారు. కండలు కాకుండా కళ్లలో కసి, పాత్రలో లోతు, నటనలో వైవిధ్యం ఉన్న నటులను దర్శకులు వెతికిపెట్టే ప్రయత్నం చేస్తున్నారు. ఆ సెర్చ్‌లో వారికి దొరికిన మైన్స్ .. మలయాళ ఇండస్ట్రీ!

ఇప్పుడైతే టాలీవుడ్‌లో మాలీవుడ్ విలన్ల హవా గట్టిగా నడుస్తోంది. స్టార్ హీరోల పాన్ ఇండియా సినిమాల్లో కేరళ స్టార్‌లు పవర్ ఫుల్ నెగిటివ్ రోల్స్‌లో కనిపించడం ఇండస్ట్రీలో హాట్ టాపిక్‌గా మారింది. స్టార్ డైరెక్టర్ ఎస్ఎస్ రాజమౌళితో మహేష్ బాబు చేస్తున్న భారీ ప్రాజెక్ట్ “వారణాసి” కోసం విలన్‌గా పృథ్వీరాజ్ సుకుమారన్ ను ఎంపిక చేయడం సెన్సేషన్‌గా మారింది. ఈ సినిమాలో ఆయన “కుంభా” అనే పాత్రలో కనిపించబోతున్నారు. వికలాంగుడిలా కనిపించే ఈ పాత్ర లోపల మాత్రం రాక్షసుడితో నిండిపోయి ఉంటుంది. తెరపై ఆయన ఎలాంటి భయం పుట్టించబోతున్నారో చూసేందుకు ప్రేక్షకులు అంతా ఆసక్తిగా ఎదురు చూస్తున్నారు.

‘సలార్’ తర్వాత ప్రశాంత్ నీల్ తీస్తున్న ఎన్టీఆర్ చిత్రంలో విలన్‌గా మరో మలయాళ హీరో టోవినో థామస్ కనిపించనున్నారనే వార్త భారీ అంచనాలను రేకెత్తిస్తోంది. అధికారిక ప్రకటన రాకపోయినా, టాలీవుడ్ వర్గాల్లో ఈ బజ్ గట్టిగా వినిపిస్తోంది. ‘పుష్ప’లో ఫహద్ ఫాజిల్ చేసిన భన్వర్ సింగ్ పాత్ర తెలుగు విలన్లకు కొత్త డైమెన్షన్ ఇచ్చింది. పుష్ప 2లో ఆయన పాత్ర మరింత భయానకంగా కనిపించిందని పలువురు క్రిటిక్స్ అంటున్నారు. ఇటీవల వరుసగా టాలీవుడ్ సినిమాల్లో శైన్ టామ్ చాకో తనదైన స్టైల్‌తో విలన్ పాత్రలకి కేరాఫ్ అడ్రెస్‌గా మారాడు. ద‌సరా (నాని), దేవర (ఎన్టీఆర్), డాకు మహారాజ్ (బాలయ్య), రాబిన్ హుడ్ (నితిన్) ప్రతి సినిమాలో వేరువేరు షేడ్స్‌తో అతను ప్రేక్షకులని ఆకట్టుకుంటున్నాడు. ఇటీవ‌ల సునీల్ శెట్టి మాట్లాడుతూ .. టాలీవుడ్ ఇప్పుడు కేవలం బాలీవుడ్ వైపు మాత్రమే కాదు… దేశమంతా టాలెంట్ వెతుకుతోంది” అని చెప్పడం విశేషం. మొత్తం మీద… మాలీవుడ్ విలన్ల ఎంట్రీతో తెలుగు సినిమాల్లో కొత్త స్టైల్, కొత్త టెర్రర్, కొత్త మాస్ డోస్ చేరింది.