Mokshagna | మోక్షజ్ఞ డెబ్యూ మూవీపై బిగ్ అప్‌డేట్.. దసరాకే గ్రాండ్ లాంచ్, రిలీజ్ డేట్ కూడా అప్పుడే ప్ర‌క‌టిస్తారా..!

Mokshagna | నందమూరి నటసింహం నందమూరి బాలకృష్ణకు తెలుగు చిత్ర పరిశ్రమలో ప్రత్యేకమైన స్థానం ఉంది. విశ్వవిఖ్యాత నటసార్వభౌమ నందమూరి తారక రామారావు నట వారసుడిగా ఇండస్ట్రీలోకి అడుగుపెట్టిన బాలయ్య.. తనదైన నటన, పవర్‌ఫుల్ డైలాగ్ డెలివరీ, మాస్ ఇమేజ్‌తో కోట్లాది మంది అభిమానులను సంపాదించుకున్నారు.

Mokshagna | నందమూరి నటసింహం నందమూరి బాలకృష్ణకు తెలుగు చిత్ర పరిశ్రమలో ప్రత్యేకమైన స్థానం ఉంది. విశ్వవిఖ్యాత నటసార్వభౌమ నందమూరి తారక రామారావు నట వారసుడిగా ఇండస్ట్రీలోకి అడుగుపెట్టిన బాలయ్య.. తనదైన నటన, పవర్‌ఫుల్ డైలాగ్ డెలివరీ, మాస్ ఇమేజ్‌తో కోట్లాది మంది అభిమానులను సంపాదించుకున్నారు. ముఖ్యంగా బి, సి సెంటర్లలో బాలకృష్ణకు ఉన్న క్రేజ్ ప్రత్యేకంగా చెప్పాల్సిన అవసరం లేదు. ఇప్పుడు అదే నందమూరి కుటుంబం నుంచి మరో తరం హీరోగా మోక్షజ్ఞ ఎంట్రీ కోసం అభిమానులు ఎంతో ఆసక్తిగా ఎదురుచూస్తున్నారు. గత కొన్నేళ్లుగా మోక్షజ్ఞ సినీ ఎంట్రీపై అనేక వార్తలు, ఊహాగానాలు వచ్చినప్పటికీ.. ఇప్పటివరకు ఆయన డెబ్యూ మూవీపై అధికారికంగా పూర్తి స్థాయి క్లారిటీ రాలేదు. అయితే తాజాగా మోక్షజ్ఞ ఎంట్రీకి సంబంధించి ఓ ఆసక్తికరమైన ప్రచారం ఇండస్ట్రీ వర్గాల్లో వినిపిస్తోంది.

మోక్షజ్ఞ తొలి సినిమా ప్రముఖ దర్శకుడు ప్రశాంత్ వర్మ దర్శకత్వంలో ఉంటుందని గతంలో జోరుగా ప్రచారం జరిగింది. ఈ ప్రాజెక్ట్‌పై అప్పట్లో నందమూరి అభిమానుల్లో కూడా భారీ అంచనాలు ఏర్పడ్డాయి. అయితే అనుకున్న విధంగా ఆ సినిమా కార్యరూపం దాల్చలేదు.దీంతో మోక్షజ్ఞ డెబ్యూ విషయంలో బాలకృష్ణ మరింత జాగ్రత్తగా వ్యవహరిస్తున్నారని తెలుస్తోంది. తన కుమారుడి మొదటి సినిమా విషయంలో ఎలాంటి తొందరపాటు నిర్ణయం తీసుకోకుండా.. కథ, దర్శకుడు, మేకింగ్, రిలీజ్ ప్లాన్ ఇలా ప్రతి అంశాన్ని పక్కాగా సిద్ధం చేస్తున్నారనే టాక్ వినిపిస్తోంది. తాజా సమాచారం ప్రకారం.. రాబోయే దసరా పండుగ సందర్భంగా మోక్షజ్ఞ డెబ్యూ సినిమాను అధికారికంగా లాంచ్ చేసేందుకు ముహూర్తం ఖరారు చేసినట్లు ప్రచారం జరుగుతోంది.

అయితే దీనిపై చిత్రబృందం నుంచి ఇప్పటివరకు అధికారిక ప్రకటన రాలేదు. కాబట్టి దసరాకే లాంచ్ అవుతుందనే వార్తను ప్రస్తుతానికి ఇండస్ట్రీ వర్గాల్లో వినిపిస్తున్న సమాచారంగానే చూడాలి. మోక్షజ్ఞ డెబ్యూ మూవీ విషయంలో మరో ఆసక్తికరమైన విషయం కూడా చర్చకు వస్తోంది. సినిమా పూజా కార్యక్రమాలు జరిగే రోజునే మూవీ రిలీజ్ డేట్‌ను కూడా ప్రకటించేందుకు మేకర్స్ ప్లాన్ చేస్తున్నట్లు సమాచారం. అంటే కేవలం సినిమా ప్రారంభోత్సవంతో సరిపెట్టకుండా.. మొదటి రోజే విడుదల తేదీని ప్రకటించి, అప్పటి నుంచే ప్రమోషన్స్‌పై ఫోకస్ పెట్టేలా ప్లాన్ చేస్తున్నారట. వచ్చే ఏడాది సమ్మర్ కానుకగా ఈ సినిమాను ప్రేక్షకుల ముందుకు తీసుకురావాలని భావిస్తున్నట్లు ప్రచారం జరుగుతోంది. నందమూరి కుటుంబం నుంచి వస్తున్న వారసుడు కావడంతో మోక్షజ్ఞపై అంచనాలు సహజంగానే భారీగా ఉన్నాయి. తండ్రి బాలకృష్ణకు ఉన్న మాస్ ఇమేజ్‌కు తగ్గట్టుగా కాకుండా.. తనకంటూ ప్రత్యేకమైన గుర్తింపు తెచ్చుకోవాలనే లక్ష్యంతో మోక్షజ్ఞ సిద్ధమవుతున్నట్లు తెలుస్తోంది.