RC15 | శంకర్‌-రామ్‌చరణ్‌ సినిమాలో సీనియర్‌ స్టార్‌ హీరో?

శంకర్‌కు సరైన హిట్టు పడి చాలా కాలమే అయింది. ప్రస్తుతం ఆయన ఆశలన్నీ 'RC15' పేనే ఉన్నాయి. ఎలాగైన ఈ సారి భారీ విజయం సాదించాలని విశ్వ ప్రయత్నాలు చేస్తున్నాడు.

RC15 Movie ‘ఆర్‌ఆర్‌ఆర్‌’ సినిమాతో అంతర్జాతీయ స్థాయిలో గుర్తింపు తెచ్చుకున్నాడు రామ్‌చరణ్‌. ప్రస్తుతం ఈయన లెజెండరి దర్శకుడు శంకర్‌తో ‘RC15’ చేస్తున్నాడు. ఇక శంకర్‌కు సరైన హిట్టు పడి చాలా కాలమే అయింది. ప్రస్తుతం ఆయన ఆశలన్నీ ‘RC15’ పేనే ఉన్నాయి. ఎలాగైన ఈ సారి భారీ విజయం సాదించాలని విశ్వ ప్రయత్నాలు చేస్తున్నాడు. ఇక శంకర్‌ సినిమాల్లో ప్రతీ పాత్రకు ఓ ఇంపార్టెన్స్ ఉంటుంది. అందుకే ఈయన తన సినిమాల్లో ఆయా పాత్రలకు సరిపోయే నటీనటులనే ఎంపిక చేస్తుంటాడు. కాగా తాజాగా మరో సీనియర్‌ అగ్ర హీరోను ఓ కీలకపాత్ర కోసం శంకర్‌ ఎంపిక చేసినట్లు తెలుస్తుంది.

ఈ సినిమాలో ఓ ఇంపార్టెంట్‌ క్యారెక్టర్‌ కోసం మలయాళ స్టార్‌ హీరో మోహన్‌లాల్‌ను ఎంపిక చేశారట. ఈ సినిమాలో మోహన్‌లాల్‌ ముఖ్యమంత్రి పాత్ర పోషిస్తున్నట్లు తెలుస్తుంది. సెకండ్ హాఫ్‌లో ఈయన పాత్ర రానున్నట్లు వార్తలు వస్తున్నాయి. యాక్షన్‌ థ్రిల్లర్‌ నేపథ్యంలో తెరకెక్కిన ఈ సినిమాలో చరణ్‌కు జోడీగా కియారా అద్వానీ నటిస్తుంది. చరణ్‌ ద్విపాత్రాభినయం చేస్తున్న ఈ సినిమాను శ్రీ వెంకటేశ్వర క్రియేషన్స్ పతాకంపై దిల్‌రాజు అత్యంత భారీ బడ్జెట్‌తో నిర్మిస్తున్నాడు. థమన్‌ సంగీతం అందిస్తున్న ఈ సినిమాలో ఎస్‌.జే సూర్య, సునీల్‌ కీలకపాత్రలు పోషిస్తున్నారు.