హనీ నవ్వుల కహానీ

‘ఎఫ్‌-2’ చిత్రంలో పంజాబీ ముద్దుగుమ్మ మెహరీన్‌ చేసిన హంగామా అందరికి గుర్తుండిపోయింది. అల్లరి, అమాయకత్వం కలబోసిన హనీ పాత్రలో ఆమె కావాల్సినంత వినోదాన్ని పంచింది. ఈ సినిమాకు సీక్వెల్‌గా వస్తున్న ‘ఎఫ్‌-3’లో కూడా ఈ అమ్మడి పాత్రను అద్భుతంగా డిజైన్‌ చేశారట. సినిమాలో తన పాత్ర ఆద్యంతం వినోదాత్మకంగా సాగుతుందని మెహరీన్‌ చెప్పింది. వెంకటేష్‌, వరుణ్‌తేజ్‌, తమన్నా, సోనాల్‌చౌహాన్‌ ప్రధాన పాత్రల్లో నటిస్తున్న ఈ చిత్రానికి అనిల్‌ రావిపూడి దర్శకుడు. దిల్‌రాజు సమర్పణలో శిరీష్‌ నిర్మించారు. ఈ నెల 27న ప్రేక్షకుల ముందుకురానుంది. ఈ చిత్రానికి కెమెరా: సాయిశ్రీరామ్‌, సంగీతం: దేవిశ్రీప్రసాద్‌, నిర్మాణ సంస్థ: శ్రీ వెంకటేశ్వర క్రియేషన్స్‌, దర్శకత్వం: అనిల్‌ రావిపూడి.